३ चैत, कञ्चनपुर । आफ्नै आमाबाबुको हत्यामा संलग्न एक जनालाई प्रहरीले पक्राउ गरेको छ । पक्राउ पर्नेमा २६ वर्षीय भरत भण्डारी रहेको प्रहरीले जनाएको छ ।
कञ्चनपुरको शुक्लाफाँटा नगरपालिका ११ कलुवापुरका जयलाल भण्डारी र उनकी श्रीमती धना भण्डारी गत फागुन १५ गते आफ्नै घरभित्र मृत भेटिएका थिए । हत्यामा संलग्न रहेका भरतलाई प्रहरीले डडेल्धुराबाट पक्राउ गरेको हो ।
भण्डारीले धारिलो हतियार प्रहार गरी बुबा र कान्छी आमाको हत्या गरेको अनुसन्धामा खुलेको छ । फागुन १३ गते मोटरसाइकलको ट्रायल दिन महेन्द्रनगर पुगेका भण्डारीकोे कान्छी आमासँग विवाद भएको थियो ।
कान्छी आमासँगको विवाद र पारिवारीक लेनदेनका कारण हत्या भएको प्रहरीले जनाएको छ । (रासस)
