विराटनगर, चैत १५
भारतीय क्रिकेट टिमका कप्तान विराट कोहलीको मैनको प्रतिमा अब चाँडै नै संग्रहालयमा स्थापित गरिने भएको छ । भारतीय क्रिकेट टिमका कप्तानको आफ्नै शहर दिल्लीमा प्रतिमा राखिन लागेको हो । संग्रहालय भ्रमण गर्नेले विश्वकै उत्कृष्ट ब्याट्सम्यानको प्रतिमासँग फोटो खिचाउन तथा सेल्फी खिच्न पाउनेछन् ।
आफ्नो प्रतिमा राखिने भएपछी कप्तान कोहलीले म्याडम तुसादको छनोटमा पर्नु आफ्नो लागि ठूलो सम्मान भएको प्रतिक्रया दिएका छन् । उनले विज्ञप्ती प्रकाशित गर्दै यस्तो अविष्मरणीय सम्मान दिएकोमा तुसाद टिमलाई धन्यवाद व्यक्त गरेका छन् ।
म्याडम तुसाद संग्रहालयको विज्ञहरुको एउटा टोली लण्डनबाट दिल्ली आएको थियो । टिमले २ सय पटकभन्दा बढी विराटको शरीरको विभिन्न नाप लिने तथा तस्बिर लिने काम गरेको थियो ताकि मानिसहरुलाई मैनको प्रतिमा हेरेर वास्तविक विराटझैँ लागोस् ।
अहिले विराट कोहली आईपीएल २०१८ को तयारीमा रहेका छन् । उनी रोयल च्यालेन्जर्स बेंगलोरका कप्तान हुन् । उनी आईपीएल इतिहासमा सबैभन्दा महंगा खेलाडी हुन् ।
सन् २००८ मा मलेसियामा भएको यू १९ विश्वकप भारतलाई जिताएपछि कोहलीको एकाएक विश्व क्रिकेटमा उदय भएको थियो । त्यसको केही महिनापछि उनले श्रीलंकासँगको खेलमा ओडीआईमा डेब्यू गरे ।
उनले ओडीआई क्रिकेटमा ३५ शतक प्रहार गरेका छन् । उनी अर्जुन अवार्ड, आईसीसीको वर्ष खेलाडी २०१७, बीसीसीआईको वर्षको सर्वोत्कृष्ट अन्तर्रा्ष्ट्रिय खेलाडी तथा पद्मश्री अवार्डबाट सम्मानित भएका छन् ।
