विराटनगर, चैत १८
राजवंशी समुदायमा ब्याप्त दाइजो न्यूनिकरण गर्न युवा–युवतीले अग्रसरता लिनुपर्ने मोरङको कटहरीमा आयोजित एक कार्यक्रमका वक्ताहरुले बताएका छन ।
विराट राजवंशी युवा समितिले मोरङको कटहरी सितपुरमा आयोजना गरेको दाइजो प्रथा न्यूनिकरण अभियान कार्यक्रममा बोल्ने वक्ताहरुले दाइजोका कारण समाज जर्जर हुंदै गएकाले युवायुवतीले अग्रसरता लिनुपर्ने बताएका थिए ।
आयोजक संस्थाका अत्यानन्त राजवंशीले दाइजोका कारण समाज उँधोगतितर्फ गएको बताए । उनले दाईजो लिनु महापाप रहेको बताउदै युवायुवतीले बिशेष सक्रियता लिनुपर्ने बताए ।
आयोजक संस्थाका अध्यक्ष कुशेश्वर राजवंशी र कटहरी गांउपालिका वडा नम्बर ६ का सचिव टेकनाथ घिमिरेले दाईजो लिनेदिने प्रथाका कारण राजवंशी समुदायमा छोरी जन्मिदा दुख मनाउ गर्नुपर्ने अवस्था सृजना भएको बताए । दाइजो न्युनिकरण सम्बन्धि सचेतना दिन कार्यक्रममा स्थानीय भाषामा गीत र नृत्य समेत प्रस्तुत गरिएको थियो ।
