२८ बैशाख, काठमाडौँ ।
पूर्व संघीय मामिला तथा सामान्य प्रशासन मन्त्री लालबाबु पण्डितले आफ्नो निर्वाचन क्षेत्रमा राहत स्वरुप खाद्यान्न सहयोग गरेका छन् । मोरङको निर्वाचन क्षेत्र नमबर ६ अन्र्तगत पर्ने विराटनगर वडा नं ६ मा राहत प्याकेज बनाएर खाद्यान्न सहयोग गरेका हुन् ।
मोरङ क्षेत्र नं ६ का प्रतिनिधिसभा सदस्य समेत रहेका पण्डितले सहयोग गरेको राहत सामाग्री शनिवार हस्तान्तरण गरिएको छ । ८५ पोका राहत प्याकेज शनिवार विराटनगर वडा नं ६ का वडाअध्यक्ष बिजय कामतलाई हस्तान्तरण गरिएको युवा नेता ओसिम आलमले जानकारी दिए ।
उनका अनुसार राहत प्याकेजमा १५ किलो चामल, २ किलो आलु, २ किलो दाल, आधा लिटर खाने तेल, १ पोका नुन रहेका छन । त्यस्तै राहत प्याकेजमा १ पोका खोर्सानी धुलो, ७ पिस बिस्कुट , ७ पिस चाउचाउ र हरेकलाई २ वटा लुगा धुने र नुहाउने साबुन रहेका छन । त्यस्तै वडालाई २५ किलोका १५ बोरा चामल पनि हस्तान्तरण गरिएको छ ।
विश्वव्यापी महामारीको रुपमा फैलिएको कोरोना भाइरसलाई रोकथाम तथा नियन्त्रणका लागि सरकारले लकडाउन गरेको छ । लामो समयदेखि जारी लकडाउनका कारण गरिब ,विपन्न तथा मजदुरहरुलाई समस्या परेको भन्दै पूर्व मन्त्री पण्डितले राहत स्वरुप खाद्यान्न सहयोग गरेका हुन् । विपत्तमा खाध्यान्न सहयोग गरेको भन्दै वडाध्यक्ष कामतले पूर्व मन्त्री पण्डितलाई धन्यवाद व्यक्त गरेका छन ।
पूर्व मन्त्री पण्डितले यसअघि पनि आफ्नो निर्वाचन क्षेत्रमा पर्ने बुढिगंगा गाउँपालिकाका विपन्न तथा गरिव घरपरिवारलाई खाद्यान्न वितरण गरेका थिए । उनले बुढिगंगा गाउँपालिकामा ५० बोरा चामल र १० बोरा आलु गरिब तथा विपन्न परिवारलाई राहत वितरण गरेका थिए । उनले विराटनगर वडा नं १२ लाई १० क्विन्टल चामल समेत हस्तान्तरण गरेका थिए ।
