२ असार, एजेन्सी ।
न्यूजिल्याण्डमा फेरि कोरोना भाइरसको संक्रमित भेटिएको छ।
देशभर कोरोना भाइरसको कुनै केस नभएपछि आफूलाई कोरोना फ्रि देश घोषणा गरेको न्यूजिल्याण्डमा २४ दिनपछि दुईजनामा कोरोना संक्रमण देखिएको हो। गत हप्तामात्रै न्यूजिल्याण्डले देशभर लागू गरेको सबै प्रतिबन्ध हटाउँदै भाइरस मुक्त राष्ट्रका रुपमा आफूलाई घोषणा गरेको थियो।
आफ्नो अभिभावकको दाहसंस्कारमा सहभागी बेलायतबाट आएका दुई महिलामा संक्रमण देखिएको बताइएको छ। जुन ७ मा उनीहरु बेलायतबाट न्यूजिल्याण्ड प्रवेश गरेका थिए। त्यसपछि उनीहरु क्वारेन्टाइनमा बस्दै आएका थिए।
संक्रमित पहिचान भएसँगै जुन ८ देखि न्यूजिल्याण्ड आएका सबैजनालाई १४ दिन अनिवार्य क्वारेन्टाइनमा बस्न भनिएको छ। यससँगै न्यूजिल्याण्डमा कोरोना संक्रमितको संख्या १ हजार ५ सय ६ पुगेको छ। यहाँ कोरोना संक्रमणका कारण २२ जनाको मृत्यु भइसकेको छ। बीबीसी
