२८ असार, एजेन्सी । इटालियन सिरी ‘ए’ मा क्रिस्टियानो रोनाल्डोले दुई गोल गरेपछि युभेन्टस एटलान्टासँगको हारबाट जोगिएको छ ।
घरेलु मैदान एलिएज्न एरिना टुरिनमा शनिबार राति भएको खेलमा युभेन्टसले एटलान्टासंग २–२ गोलको बराबरी खेल्दै अंक बाँडेको हो । युभेन्टसका लागि दुवै गोल रोनाल्डोले पेनाल्टीमार्फत गर्दा एटलान्टाका डुभान जापटा र रुस्लान मालिनोचिस्कीले गरे ।
कोरोनापछिको पछिल्लो ६ खेलमा रोनाल्डोको यो सातौ गोल हो । त्यसपछि खेलमा थप गोल निस्कन नसक्दा खेल २–२ गोलको बराबरीमा टुंगियो । बराबरीसँगै युभेन्टसले शीर्षस्थानमा ८ अंकको अग्रता बनाएको छ । युभेन्टसको ३२ खेलबाट ७६ अंक पुगेको छ । समान खेलबाट दोस्रो स्थानमा रहेको लाजियोको ६८ तथा तेस्रो स्थानमा रहेको एटलान्टाको ६७ अंक रहेको छ ।
