विराटनगर,वैशाख १६ ः धामीको शक्ति देखाउने भन्दै बाजुराको जगन्नाथ गाउँपालिका–१ का दुई जना कर्णाली नदीमा हाफ फालेका छन् ।
नदीमा हाफ फाल्दा एक जनाको मृत्यु भएको छ भने अर्का एक जना बेपत्ता रहेको जिल्ला प्रहरी कार्यालय, बाजुराले जनाएको छ ।
प्रहरी प्रमुख प्रहरी नायब उपरीक्षक (डिएसपी) अर्जुन रानाभाटले दिएको जानकारी अनुसार मृत्यु हुनेमा ६१ वर्षीय मानबहादुर सिंह विष्ट छन् भने ५३ वर्षीय जयबहादुर विष्ट बेपत्ता छन् ।
उनका अनुसार बगरमा बसेर काम्दै काम्दै दुवै जना नदीमा हाफ फालेको स्थानीयले बताएका छन्।
यसबारेमा थप अनुसन्धान भइरहेको प्रहरीले जनाएको छ ।
