२८ भदौ, विराटनगर ।
लोक सेवा आयोग प्रदेश नं. १ ले प्रथम वार्षिक प्रतिवेदन २०७६÷२०७७ प्रदेश प्रमुख सोमनाथ अधिकारी ‘प्यासी’लाई आइतबार बुझाएको छ । कर्मचारीलाई प्रतिवेदनको पुस्तिका पठाइ सन्चार माध्यमद्वारा प्रदेश लोक सेवा आयोगका अध्यक्ष उत्तमकुमार भट्टराईले सो विषयमा प्रमुखलाई जानकारी गराएका हुन् ।
प्रथम वार्षिक प्रतिवेदनको परिच्छेद १० मा पृष्ठ ३३ देखि ४१ सम्म ध्यानाकर्षण र सुझाब मात्र समेटिएको छ । प्रतिवेदनमार्फत प्रदेश लोक सेवा आयोगलाई काम गर्न सहज नरहेको सन्देश दिन खोजिएको छ । प्रतिवेदन बुझाएकोमा प्रदेश प्रमुखले यस विषम परिस्थितिमा पनि प्रदेश लोक सेवा आयोगले प्रथम वार्षिक प्रतिवेदन प्रकाशन गर्न सफल भएकोमा अध्यक्ष लगायत सम्पूर्ण टिमलाई धन्यवाद दिएका छन ।
यस्तै प्रदेश लोक सेवा आयोगले गराएको ध्यानाकर्षण र सुझाबहरुलाई सम्बन्धित निकायले समयमै विचार पु¥याए राम्रो हुने धारणा पनि उनले ब्यक्त गरेका छन् । प्रदेश लोक सेवा आयोगको सदस्यहरुमा टीकादत्त राई र सजना दाहाल रहेका छन् । लोक सेवा आयोगले वार्षिक रुपमा प्रदेश प्रमुख समक्ष प्रतिवेदन बुझाउने प्रवधान अनुरुप यो प्रतिवेदन बुझाएको जनाएको छ ।
