आजका प्रमुख खबरहरुः
१.(रेकर्ड तोड्दै कोरोना)
नेपालमा पछिल्लो २४ घण्टामा अहिलेसम्मकै उच्च ४३ सय ६४ जना कोरोना संक्रमित थपिदा २६ सय ७५ जना डिस्चार्ज/ संक्रिय संक्रमित २६ हजार ६ सय नाघ्दा मृतकको सख्या ५ सय ९० पुग्यो ।
२.(नेविसंघको विरोध)
अनशनरत डा. गोविन्द केसीका माग पूरा गर्न सरकारलाई दवाव दिन भन्दै नेपाल विद्यार्थी संघ (नेविसंघ)द्वारा विरोध प्रदर्शन/सरकार नेताहरुको व्यवस्थापनका लागि पद बाँडफाँडमा लागेकाले डा. केसीका माग सम्बोधन गर्न नचाहेको उल्लेख ।
३.(सहमति जुटोस्)
सरकारी वार्ता टोली र डा. केसीका प्रतिनिधिबीच अनशनको २५ औं दिन पुग्दा औपचारिक वार्ता /आफूहरुले जतिसक्दो छिटो वार्तालाई निष्कर्षमा पु¥याउन चाहेको केसी पक्षका वार्ता टोलीको भनाई ।
४.(हुन्छ त यस्तो ?)
विदेशी च्यानलमा क्लिन फिड लागू भए नेपालको विज्ञापन बजार बढ्ने मिडिया अलायन्स नेपालका अध्यक्ष भास्करराज राजकर्णिकारको भनाई /कात्तिक ७ गते देखि क्लिन फिड लागू भए नेपालको विज्ञापन बजार १० अर्ब रुपैयाँले वृद्धि हुने ।
५.(कसरी कुटिए प्राध्यापक ?)
त्रिभुवन विश्वविद्यालयका उपप्राध्यापक प्रेम चलाउनेमाथि आक्रमण गर्ने आक्रमणकारीलाई तत्काल पक्राउ गरी कारवाही गर्न प्राध्यापक संगठनहरुको माग /आक्रमणमा संलग्न अपराधीलाई कारबाही नगरिए आन्दोलन गर्ने चेतावनी ।
६.(दमाईको दिमाग ?)
बझाङमा बलात्कारको घटना मिलाउने बाबाजी भनिने बालम दमाई पक्राउ /सम्झना कामीको बलात्कारपछि हत्या आरोपमा पक्राउ परेका राजेन्द्र बोहराले अर्की किशोरीलाई गरेको बलात्कारको घटना मिलाउन कागज बनाउने दमाई प्रहरी नियन्त्रणमा ।
७.(दुर्घटनाको ब्यथा)
जाजरकोटमा बुधबार भएको जिप दुर्घटनामा परी मुत्यु हुनेको संख्या सात पुग्यो/चालकको लापरबाही र मापदण्ड विपरीत सडक खनेका कारण जिप दुर्घटना भएको भन्दै मृतकका आफन्तहरुले अझै शव बुझेनन् ।
८.(परीक्षाको चटारो)
कक्षा १२ को परीक्षा दशैंलगत्तै तिहार अघिनै गर्ने गरी शिक्षा, विज्ञान तथा प्रविधि मन्त्रालयले छलफल चलायो / कक्षा ११ को सन्दर्भमा भने विद्यार्थीलाई अनुकूल हुने समयमा विद्यालयले परीक्षा गर्न सक्ने ।
९.(नमिलेको न्याय)
बलात्कार गरेको स्वीकार गर्ने व्यक्तिलाई धरौटीमा छोड्ने जिल्ला अदालत मोरङको आदेशविरुद्ध सरकारी वकिलको कार्यालयद्वारा उच्च अदालतमा निवेदन दर्ता/विवादास्पद आदेश दिएका न्यायाधीश राजकुमार कोइरालाको बुधबारै सरुवा ।
१०.(दृश्यका लागि दृष्टि)
आज अक्टोबर आठ तारिख अर्थात विश्व दृष्टि दिवस /विभिन्न कार्यक्रम गरी दिवस मनाइयो /नेपालमा ४ जना मध्ये १ जनाको मधुमेहको कारण आँखाको समस्या आउने तथ्याङ्क ।
११.(धर्म बिर्सिएपछि)
काठमाडौंमा खुलेआम कुहिएको मासु विक्री/मैतिदेवीको चण्डीकालिका मासुपसलमा सडेको मासु विक्री गर्न राखेको पाइएपछि महानगरपालिकाको अनुगमन टोलीद्वारा नष्ट /स्पष्ट जवाफ सहित महानगरमा उपस्थित हुन टोलीको आग्रह ।
१२.(श्रम स्वीकृति नमाग्नु)
तत्काल वैदेशिक रोजगारीमा जान नपर्नेले अबको दुई हप्तासम्म श्रम स्वीकृतिका लागि आवेदन नदिन सरकारको अनुरोध/कोरोना महामारीका कारण पुनः श्रम स्वीकृतिका लागि इ टोकनको सङ्ख्यासमेत सीमित राखियो ।
१३.(बाधक हो त क्वारेन्टाइन ?)
सरकारले पदयात्रा र पर्वतारोहणका लागि विदेशी पर्यटकलाई अन–अराइभल भिसा खुल्ला गर्ने निर्णय सरकारले गरेपनि पर्यटकको चासो देखिएन/ सात दिन क्वारेन्टाइनमा बस्नुपर्ने व्यवस्थाका कारण पर्यटकहरुले सोधपुछ गरेपनि बुकिङ नगरेको व्यवसायीहरुको भनाई ।
१४.(शुन्यको प्रक्षेपण)
विश्व बैंकको प्रतिवेदन अनुसार नेपालको आर्थिक वृद्धि २०२१ मा ०.२ बाट बढेर ०.६ प्रतिशत पुग्ने अनुमान /अनौपचारिक क्षेत्रमा कार्यरत हजारौंले रोजगारी गुमाएका कारण लाखौं दक्षिण एसियालीहरु चरम गरिबीमा धकेलिने उल्लेख ।
र,
१५.(आजको विश्व)
कोरोना महामारीका कारण हालसम्म विश्वभर संक्रमित हुनेहरुको संख्या ३ करोड ६४ लाख बढी पुग्दा २ करोड ७४ लाख बढी निको भए /१० लाख ६१ हजार बढीको मृत्यु ।
