२२ असोज, काठमाडौं ।
स्वास्थ्य तथा जनसंख्या मन्त्रालयले दशैंको अवसरमा सार्वजनिक स्थलमा पिङ नहाल्न आग्रह गरेको छ । सार्वजनिक स्थलमा पिङ हाल्दा भिडभाड बढ्न गई कोरोना संक्रमणको जोखिम बढ्ने भएकाले सार्वजनिक स्थलमा पिङ नहाल्न मन्त्रालयले आग्रह गरेको हो ।
मन्त्रालयकाे नयमित प्रेस व्रिफ्रिङका क्रममा मन्त्रालयका प्रवक्ता डा. जागेश्वर गाैतमले कोरोना संक्रमणबाट बच्नका लागि आफू बसेकै स्थानबाट दशैं मनाउन पनि आग्रह गरेका छन् ।
साथै उनले आवतजावत र भीडभाड चुनौतीपूर्ण भएको भन्दै यसपालिको दशैँमा पुजारीलाई मात्रै मन्दिरमा पुजा गर्ने व्यवस्था मिलाउन आग्रह गरेका छन्।
उनले सामान्य ज्वरो आउँदा पनि मानिसहरु अस्पताल जाँदा जटिल संक्रमितहरुले बेड नपाउने अवस्था रहेको बताए। प्रवक्ता डा. गौतमले अस्पताल जाने आउने क्रममा संक्रमण फैलिन सक्ने खतरा भएको भन्दै सावधानी अपनाउन अनुरोध गरे।
पछिल्लो २४ घण्टामा ४ हजार ३६४ जनामा कोरोना संक्रमण पुष्टि भएको छ ।
