२२ कात्तिक, पर्वत ।
पर्वत जिल्लामा यस वर्ष सुन्तलाको उत्पादन गत वर्षको भन्दा ५ प्रतिशतले वृद्धि हुने भएको छ ।
यस वर्ष ५ प्रतिशतभन्दा बढीले उत्पादन वृद्धि भै झण्डै तीन हजार ८ सय ३२ मेट्रिक टनभन्दा बढी सुन्तला उत्पान हुने अनुमान गरिएको कृषि ज्ञान केन्द्र पर्वतले जनाएको छ ।
यस वर्ष अनुकुल मौसम, केही मात्रामा क्षेत्रफल पनि वृद्धि भएको र रोग किराको प्रकोप कम भएकाले सुन्तला उत्पादन बढ्ने देखिएको कृषि ज्ञान केन्द्रका प्रमुख बासुदेव रेग्मीले जानकारी दिए।
पर्वतमा ७ सय ७० हेक्टर क्षेत्रफलमा सुन्तला खेती हुँदै आएको छ । प्रधानमन्त्री कृषि आधुनिकीकरण परियोजना अन्तरगत पर्वतको जलजला क्षेत्र र मोदी गाउँपालिकाका विभिन्न वडालाई सुन्तला जोनको रुपमा विकास गरिएको छ ।
जिल्लामा सबैभन्दा बढी बाँसखर्कमा यस वर्ष करिव करोडको सुन्तला उत्पादन हुने अनुमान गरिएको छ ।
