विराटनगर, जेष्ठ ६ ःसोलुखुम्बुको आमा डब्लम हिमाल आरोहण गर्नेक्रममा चिप्लिएर एकजनाको मृत्यु भएको छ ।
मृत्यु हुनेमा ४३ वर्षीय मेलशियन नागरिक रमन नैय हाचोडनका रहेका छन् ।
यही जेष्ठ २ गते खुम्बुपासाङल्हामु गाउँपालिका– ४ स्थित आमा डब्लम हिमालको तेस्रो क्याम्प भन्दा माथी चड्न नसकेपछि फर्कनेक्रममा चिप्लिंदा उनको घटनास्थलमै मृत्यु भएको बुझिएको छ ।
मृतकको शव शनिबार विहान फिस्टेल एयरको हेलिकप्टरद्वारा लुक्ला विमानस्थल ल्याइएपछि इलाका प्रहरी कार्यालय लुक्लामा जानकारी प्राप्त भएको हो।
