प्रधानमन्त्रीलाई योगेश भट्टराईको जवाफ- ‘केटाकेटीकै रगत र पसिनाले तपाईंले कुर्सी पाएको हो’

४ माघ २०७७, आइतबार
Share this
700shares

४ माघ, काठमाडाैं।

Advertisement

प्रधानमन्त्री केपी शर्मा ओलीले ‘केटो’ भनेर व्यंग्य गरेपछि पूर्वपर्यटन मन्त्री तथा नेकपाको प्रचण्ड-नेपाल समूहका नेता योगेश भट्टराईले जवाफ फर्काएका छन्। भट्टराईले शनिबार राति सामाजिक सञ्जाल फेसबुकमार्फत जवाफ फर्काएका हुन् ।

शनिबार प्रदेश १ का नेता तथा कार्यकर्तालाई काठमाडौंमा सम्बोधन गर्दै प्रधानमन्त्री ओलीले योगेशको नाम नलिई ‘बैगुनी केटाकेटी’को संज्ञा दिएका थिए ।

Advertisement

‘बैगुनी केटाकेटीबारे केही भन्नु छैन । आफू दौडेर गएर केटालाई जिताएर पठाउनुस् मन्त्री बनाएर पठाउछु भनेँ । मन्त्री पनि बनाइयो । एक दिन पुक्क लात्ताले हानेर भाग्यो । को रहेछ भनेर यसो हेरेको त उही (योगेश भट्टराई) केटो पो रहेछ,’ प्रधानमन्त्री ओलीले भनेका थिए ।

यसकाे जवाफ फर्काउँदै उनले पनि प्रधानमन्त्रीको नाम नलिइ ‘तपाईंको स्तर थाहा पाएँ खुशी लाग्यो’ भनेर लेखेका छन् । उनले लेखेका छन्- ‘केटा र केटीहरूको रगत, पसिना र मेहनतको जगमा खडा भएको व्यवस्थामै यहाँले कुर्सीप्राप्त गर्नुभएको हो। केटो भनिपाउँदा मलाई दु:ख छैन। तपाईंको स्तर थाहा पाएँ, खुसी लाग्यो ।’

२०७४ सालको प्रतिनिधि सभा चुनावमा भट्टराईको चुनावी सभामा सम्बोधनका क्रममा ओलीले भट्टराईलाई जनताले जिताएर पठाए आफूले मन्त्री बनाएर पठाउने बताएका थिए।

तत्कालीन पर्यटनमन्त्री रविन्द्र अधिकारीको २०७५ फागुन १५ गते हेलिकोप्टर दुर्घटनामा निधन भएपछि भट्टराईलाई मन्त्री बनाइएको थियो । २०७६ साउन १५ गते पर्यटन मन्त्रीमा नियुक्त भएका भट्टराईले पुस ५ गते प्रतिनिधि सभा विघटन भएपछि सामूहिक राजीनामा दिएका थिए।

Advertisement
Advertisement
Advertisement

ताजा समाचार

सम्बन्धित समाचार

Scroll to Top