४ माघ, एजेन्सी।
युगान्डामा लामो समयसम्म सक्रिय राजनीतिमा रहँदै राष्ट्रपतिको कार्यभार सम्हालेका योवेरी मुसेभेनी पुनः निर्वाचित भएका छन् । विपक्षी दलले भने मतदानमा धाँधली भएको आरोप लगाएको छ ।
युगान्डाको निर्वाचन आयोगका अनुसार मुसेभेनीले कुल मतको करिब ५९ प्रतिशत मत प्राप्त गरेका छन् । विपक्षी दलका बबी वाइनले ३५ प्रतिशत मत प्राप्त गरेको आयोगले जनाएको छ । राष्ट्रपति मुसेभेनीले बिहीबारको मतदान अफ्रिकी राष्ट्र युगान्डाको इतिहासमा अहिलेसम्मकै धाँधलीरहित निर्वाचन भएको दाबी गरे।
बीबीसीका अनुसार पूर्ब पप स्टार बबी वाइनले भने इन्टरनेट जडान विच्छेद हुँदा मतदानमा धाँधली भएको भन्दै प्रमाण पेश गर्ने बताए।
