१० माघ, विराटनगर।
झापाको शिवसताक्षीस्थित किराँत चोकमा नेकपा विप्लव समूहका कार्यकर्ताले सार्वजनिक बस तोडफोड गरेका छन्।
धरानबाट काँकरभिट्टा तर्फ आउँदै गरेको यात्रुवाहक बसमा शनिबार दिउँसो केही युवाले खुकुरी प्रहार गरेको र ढुङ्गा हानेर सिसा फुटाइदिएको प्रहरीले जनाएको छ।
उनीहरुले बस रोकेर तोडफोड गर्दा अगाडिको भाग र झ्यालका सिसा फुटाएका छन्। विप्लप समूहले आह्वान गरेको नेपाल बन्दका क्रममा सोही पार्टीका कार्यकर्ताले बस तोडफोड गरेको हुनसक्ने प्रहरीको अनुमान छ।
तोडफोड भएको बा. ४ ख ८८९७ नम्बरको गजुरमुखी यातायातको बस इलाका प्रहरी कार्यालय झिलझिलेमा राखिएको छ।
