२८ माघ, काठमाडाैँ ।
नेपाल कम्युनिष्ट पार्टी नेकपा प्रचण्ड माधव समूहका अध्यक्ष माधवकुमार नेपालले निर्वाचन आयोगलाई धम्क्याउने काम नगर्न प्रधानमन्त्री केपी शर्मा ओलीलाई सचेत गराएका छन् । विहिबार काठमाण्डौमा आयोजित विरोधसभालाई सम्बोधन गर्दे उनले आयोगमा गएर म नै हो पहिलो अध्यक्ष भन्दै आयोगलाई अन्यथा निर्णय नगर्न धम्कि दिएको प्रसंग उल्लेख गर्दै त्यसो नगर्न सचेत गराएका हुन् ।
मन्त्रीहरुको अधिकार सबै खोसेर आफ्नो हातमा लिएको प्रधानमन्त्रीले त्यही हैसियतमा संबैधानिक र स्वतन्त्र आयोगहरुलाई थर्रकाउने काम गरेको भन्दै उनले त्यसो नगर्न खबरदारी गरे । निर्वाचन आयोगलाई प्रधानमन्त्रीको दबाबमा नपरि विद्यमान कानुन र विधान अनुसार निर्णय गर्न पनि उनले आग्रह गरे । उनले भने “आधिकारिताको विवादमा पस्न पाउदैन भनिएको छ । कानुनमा एउटै पार्टीभित्र दलको नाम, निर्वाचन चिन्ह र छापको बारेमा विवाद आयो भने वहुमतको निर्णयलाई हामी स्वीकार गछौ भनेर निर्वाचन आयोगको कानूनमा लेखेको छ । ”
संबैधानिक निकाय निकाय निर्वाचन आयोगमा प्रधानमन्त्री ओलीले कुनै पनि हस्तक्षेप गर्न नपाउने भन्दै उनले ओलीको आदेश र फरमानलाई भन्दा नियम कानुन अनुसार निर्णयमा पुग्न सुझाएका छन् । अन्यथा कानूनको कसैले पनि पालना नगर्ने चेतावनी पनि उनले दिए । उनले भने “केपी ओलीले आयोगले अगाडि बढाईसकेको काममा हस्तक्षेप गर्न थालेका छन् । खबरदार स्वतन्त्र निकाय निर्वाचन आयोगको काममा केपी ओली प्रधानमन्त्रीले कुनै हस्तक्षेप गर्न पाउदैन् । निर्वाचन आयोगले नियमावलिमा परिर्वतन गरेर पठाईसकेको छ । नछाप्नु भनी निर्देशन दिईएको छ । उनले तुरुन्त आदेश र फरमान फिर्ता लिउन् र निर्वाचन आयोगको निर्णयको सम्मान गरुन् । होइन भने यो देशमा कसैले पनि कानुनको पालना गर्ने छैनन् । कसैले पनि निर्वाचन आयोगको सम्मान गर्ने छैनन् । यो कुराको हेक्का होस् सबैलाई ।”
उनले आफुहरु लगायत नागरिक समाज स्वतन्त्र निर्णय गर्ने संबैधानिक निकायको पक्षमा रहेको भन्दै निर्धक्क भएर निर्णय गर्न आयोगलाई आग्रह गरे । उनले भने “जसलाई कम्युनिष्ट पार्टीको नाम मन पर्दैन । जसलाई लालसलाम शब्द मन पर्दैन । जसलाई पार्टीको क्रान्तिकारी अनुसासन मन पर्दैन । जसलाई पार्टीको बैठक भन्ने वित्तिकै रिंगटा लाग्छ । बैठक भन्यो कि केपी ओली फेन्ट हुने । त्यो मान्छे कम्युनिष्ट पार्टीको नेता हुनसक्छन् ? त्यस्तो मान्छे कम्युनिष्ट पार्टीको नेता हुन सक्क्तैन । कहाँबाट देशको प्रधानमन्त्री भए ? मन्त्रीहरुको जम्मै अधिकार आफ्नो हातमा लिएका थिए । त्यही हैसियतले अहिले पनि निर्वाचन आयोगलाई थर्रकमान गर्न खोजिरहेका छन् । खबरदार । हामी साथमा छौ तपाईहरुको । हामी जिउँदै छौ । हामी यहीँ छौ । ”
उनले प्रधानमन्त्री ओलीलाई बहुमतको शासन मान्न तयार भए निर्वाचन आयोगलाई धम्कि दिन छाडेर आफ्ना पक्षकालाई मार्चपास गराएर टाउको गन्न सुझाव दिए । उनले भने “मार्च पास गराऔ ४ सय ४१ जना मध्ये केपी ओलीको पक्षमा कति जना उभिन्छन् ? सय जना । हाम्रो पक्षमा ३ सय जना ।” पार्टीको विधानमा अध्यक्ष पहिलो नलेखेको भन्दै उनले ओली आफैले आफुलाई पहिलो भन्दै हिडेको दाबी गरे ।उनले भने “ पहिलो अध्यक्ष ओली गुटको होला । बालकोटको होला । तर नेकपाको पहिलो अध्यक्ष होइन । विधानमा लेखेको छ ? लेखेको छैन । निर्णयमा लेखिएको छ ? छैन । मान नमान मै तेरा मेहमान । कसैले देओस् नदओस् ताज पहिरिएर हिडेका छन् । ” उनले चुनाव चिन्ह सूर्य आफूहरुको भएको दाबी गरे । उनले भने “हामीसंग सूर्य चिन्ह छ । केपी ओलीसंग त बयलगाडाको चिन्ह बाहेक अरु केही पनि छैन । ”
उनले पार्टीको सिद्धान्त विचार सबै छाडेर प्रधानमन्त्री ओली आफ्नो पाप पखाल्न पशुपतिको शरणमा पुगेको व्यंग्य गरे । उनले भने “केपी ओली जी तपाईले मदनभण्डारीको नाम जप्ने गर्नुभएको छ । अब त्यो नाम पनि विर्सिसक्नुभएको छ । अब पशुपति नाथको मन्त्र जप्न सुरु गर्नुभएको छ । तर पशुपति नाथले कसलाई माया गर्छन् थाहा छ ? जो मानिस असल छ । जो मानिस राम्रो प्रवृत्तिको मान्छे छ । जसले धर्म गर्दछु । पाप गर्र्नेलाई पशुपतिले पनि माफ गर्देनन । चेतना भया । केपी ओलीलाई चेतना भया । संविधानको मिच्ने मिचाहालाई, लोकतन्त्रको हत्या गर्ने हत्यारालाई जनअधिकार कुल्चिनेहरुलाई ।”
केपी ओली नेतृत्वको सरकारको समयमा ७ हजार १ सय ७० नेपाली चेलीहरु बलात्कृत भएको र उनीहरुको आत्माले ओलीलाई ‘ए ओली तिमिले कति जनालाई सजाँय दिएका छौ ? कति जना अपराधीलाई जेलमा कोचेका छौ ? तिम्रो असंवेदनशीलतालाई देख्दा हामीलाई लाज लागिरहेको छ । ’ भनिरहेको उल्लेख गरे । आम जनताले केपी ओलीलाई धिक्कारी रहेको भन्दै उनले प्रधानमन्त्री ओलीले गरेको पाप पशुपतिमा बत्ति बालेर धोईपखाली गर्न नसकिने बताए ।
