विराटनगर,असार २
इस्लाम धर्मालम्बीहरुको महान् चाड इदमा सार्वजनिक विदा नदिएको प्रति मोरङ मुस्लिम समाजले सरकारको विरोध जनाएको छ ।
देशै भरी इस्लाम धर्मालम्बीहरुले इद मनाइरहँदा सार्वजनिक विदा नदिएकोप्रति मोरङ मुस्लिम सामाजले भने सरकारको विरोध स्वरुप कालो पट्टी बाँधेर नमाज पढेको हो ।
लामोसमयदेखि विदा फिर्ताका विभिन्न कार्यक्रमहरु गर्दै आएपनि सरकारले नटेरे पछि आफुहरुले यस्तो गर्नुपरेको मोरङ मुस्लिम समाजका सचिवालय सदस्य मुसर्रफ खानले बताए ।
संविधानको मर्म विपरीत सरकारले मुस्लिम समुदायको महान् चाड इदमा पनि सार्वजनिक बिदा नदिनु धर्मनिरपेक्षता मास्ने सरकारको कार्यशैलि भएको पनि खानले बताए ।
सरकारले यसपालि मुस्लिम समुदायका चाड ईद,बकरईद,हजरत महम्मद जयन्तीको विदा कटौती गरेको थियो ।विदा फिर्ता गराउन मुस्लिम समुदायका संघ संगठनहरुले विभिन्न कार्यक्रम गरेपनि सरकारले विदा फिर्ता भने गरेन ।
