विराटनगर ःविश्वकप फुटबल अन्तर्गत बुधबार राती भएको खेलमा ब्राजिलले सर्बियामाथि सहज जित निकाल्दै अन्तिम १६ मा प्रवेश गरेको छ ।समूह इ अन्तर्गत भएको खेलमा खेलमा ब्राजिलले सर्वियालाई २ गोलले पराजीत गर्दै अन्तिम १६ मा आफ्नो स्थान बनाएको हो ।
एक खेलमा बराबरी र एकमा जीत निकालेको ब्राजिल आजको खेलमा जीत वा न्यूनतम बराबरीको लक्ष्यका साथ मैदान छिरेको थियो भने सर्विया अनिवार्य जित निकाल्नै पर्ने अवस्था मैदान छिरेको थियो।
खेलको अधिकाशं समय बललाई आफ्नो नियन्त्रणमा राखेको ब्राजिललाई अग्रता दिलाउने क्रममा पहिलो हाफको ३६ औं मिनेटमा ब्राजिलका मिलफिल्डर पाहुलिनोले गोल गरेका थिए । उनले कान्टिनोबाट प्राप्त पासलाई सफ्ट टच गरेर सर्वियाका गोल रक्षकलाई नघाउँदै बललाई जाली चुमाएका थिए।
पहिलो हाफमा १–० ले अगाडी रहेको ब्राजिलले आफ्नो अग्रतालाई दोश्रो हाफमा दोब्बर पार्याे। ब्राजिलका लागि दोश्रो गोल खेलको ६८ औं मिनेटमा थियागो सिल्भाले गरेका हुन्।आजको खेलमा सर्वियाले केहि राम्रो अवसरहरूलाई गोलमा परिणत गर्न चुक्यो। यस्तै ब्राजिलका स्टार खेलाडी नेयमारले पनि केहि राम्रा अवसरहरूलाई गोलमा परिणत गर्न सकेनन्।
जर्मनीको इतिहासकै खराब प्रदर्शन, ८० वर्षपछि पहिलो चरणबाटै बाहिरियो
विश्वकप फुटबलको इतिहासमा विश्व विजेता टिम समुह चरणबाट बाहिरिने जर्मनी तेस्रो टिम बनेको छ । यसअघि सन् २०१० मा इटाली, सन् २०१४ मा स्पेन पहिलो चरणबाटै बाहिरिएका थिए। २०१४ को विश्व विजेता जर्मनी रुस विश्वकपमा खराब सुरुवातले पहिलो चरणबाटै बाहिरिएपछि विश्व विजेता पहिलो चरणबाटै बाहिरिने क्रम लगातार तेस्रो पटक दोहोरिएको हो ।
जर्मनी दक्षिण कोरियासँग खराब नतिजामा सीमित हुँदा रुस विश्वकपको समूह ‘एफ’बाट स्वीडेन विजेता र मेक्सिको उपविजेता हुँदै अन्तिम १६ मा प्रवेश गरेका छन्। दक्षिण कोरियाका लागि जर्मनीविरुद्ध इन्जुरी समयमा किम यङ वन र सन हिउन मिनले एकएक गोल गरेर सनसनीपूर्ण ढंगले नतिजा आफ्नो पक्षमा पारे।
उता सोही समयमा भएको अर्को खेलमा स्वीडेनले मेक्सिकोलाई ३–० ले पराजित गरेको छ । स्वीडेनका लागि लुडविग अगस्टिनसन र आन्देस गा्रभिष्टले एकएक गोल गरे भने मेक्सिकोले एक गोल उपहार दियो। आजको खेलसँगै विश्वकपको चार पटककको विजेता जर्मनी रुस विश्वकपबाट घर फर्किएको छ। विश्व फुटबल इतिहासमा यसअघि जर्मनीले सन् १९३८ को विश्वकपमा पहिलो चरण पार गर्न सकेको थिएन।
