३ असार, काठमाडौं ।
नेपाली कांग्रेसको केन्द्रीय कार्यसमिति बैठक आज बस्दै छ ।
दिउँसो २ बजे सानेपास्थित पार्टीको केन्द्रीय कार्यालयमा बैठक बस्न लागेको हो । पार्टी केन्द्रीय कार्यालयले यसअघि सूचना जारी गरी सबै केन्द्रीय सदस्यहरुलाई बैठकमा सहभागी हुन आग्रह गरेको थियो ।
बैठकले महाधिवेशनको समय तालिका परिवर्तन गर्ने बताइएको छ । यसअघि गत शनिबार बसेको पार्टीका पदाधिकारीको बैठकले आसन्न १४ औं महाधिवेशनको मिति सार्ने निर्णय गरेको थियो र उक्त निर्णलाई लागि आजको बैठकले अनुमोदन गर्ने बताइएको छ ।
साथै अन्य विभिन्न समसामयिक राजनीतिक विषयमा छलफल हुने बताइएको छ । यसअघि भदौ ७ देखि १० सम्मका लागि तोकिएको महाधिवेशन अब भदौ १६ गतेबाट सुरु गर्ने निर्णय पदाधिकारी बैठकले गरेको थियो ।
