२ साउन, काठमाडौँ ।
जनता समाजवादी पार्टी (जसपा)का अध्यक्ष महन्थ ठाकुर पक्षका पाँच सांसद अर्का अध्यक्ष उपेन्द्र यादव पक्षतिर लागेका छन् ।
बालकुमारीस्थित पार्टी कार्यालमा जारी यादव पक्षको संसदीय दलको अनौपचारिक बैठकमा अमृता अग्रहरी, नरमाया ढकाल, रानी मण्डल, प्रमोद साह र रूही नाथ सहभागी भएका हुन् । थप केही सांसद पनि आउने क्रममा रहेको बताइएको छ । यसअघि उनीहरू ठाकुर पक्षको बैठकमा सहभागी हुँदै आएका थिए ।
पाँच सांसदले यादव पक्षलाई साथ दिएपछि अब संसदीय दलमा पनि यादव पक्ष १२ बाट १७ मा पुगेसँगै वहुमत भएको छ ।
जसपा दुवै ले पक्षले आफूलाई आधिकारिक दाबी गरेपछि विवाद अहिले निर्वाचन आयोगमा विचाराधीन छ । साउन ३ गते बिहान ११ बजे जसपा विवाद निरूपणबारे इजलास बैठक तोकिएको छ ।
