२२ भदौ, काठमाडौं ।
पपुवा न्यु गिनी (पीएनजी)विरुद्धको पहिलो ओडीआईमा नेपाल २ विकेटले विजयी भएको छ ।
मंगलबार ओमानको अल अमिरात क्रिकेट मैदानमा भएको खेलमा पिएनजीले दिएको १३५ रनको लक्ष्य नेपालले ३९.३ ओभरमा ८ विकेट गुमाउँदै पुरा गरेको हो ।
नेपालका लागि ओपनर कुशल भुर्तेलले १५, आशिफ शेखले ३०, कप्तान ज्ञानेन्द्र मल्लले ६, आरिफ शेखले ९, शरद भेस्वाकरले ६, कुशल मल्लले १, रोहित पौडेलले ४१, सोमपाल कामीले २२ रन जोडे । पवन सरार्फ शून्यमै आउट भए ।
पीएनजीका लागि गोउडी टोकाले ३ विकेट लिए । डाइमिन राभु र चास सोपेरले समान २÷२ विकेट लिए । नोसाइनो पोखनाले १ विकेट लिए ।
यसअघि पिएनजीले ३३ ओभर खेल्दै १० विकेट गुमाएर १३४ रन बनाएको थियो ।
पिएनजीका लागि ओपनर लेगा साइकाले सर्वाधिक ३० रन बनाए । अर्का ओपनर टोनी उराले १ रनमै आउट भए । कप्तान असद भालाले ४, चार्ल्स अमिनिले २३, सेसे बाउले १४, विकेट किपर किपलिन डोरिगाले १५ र गोउडी टोकाले २२ रन बनाए । चास सोपेरले १७ रन जोडे भने नोसाइनो पोखनाले १ रनको योगदान गरे । डाइमिन राभु र जासोन किला शून्यमै आउट भए ।
नेपालका लागि लेग स्पिनर सन्दिप लामिछानेले सर्वाधिक ४ विकेट लिए । बलर विक्रम सोव र कुशल मल्लले समान २÷२ विकेट लिए । सोवको यो डेब्यू खेल हो । उनी पहिलो बलमै विकेट लिन सफल भएका हुन् । तीव्र गतिका बलर सोमपाल कामीले एक विकेट लिए ।
आईसीसी विश्वकप क्रिकेट लिग–२ अन्तर्गत ओमान र अमेरिकासँगको त्रिकोणात्मक एकदिवसीय सिरिजअघि नेपालले पीएनजीसँग खेलेको हो ।
नेपालले त्रिदेशीय शृंखला भदौं २८ गते अमेरिका, भदौं २९ गते ओमान, असोज १ गते अमेरिका र असोज २ गते ओमानसँग खेल्नेछ ।
