किशोर विश्वकर्मा
विराटनगर, साउन १३
बाढीपिडिलका लागि आएको राहत रकम कटहरी गाउँपालिकाको लावरवाहिले फ्रिज भएको भन्दै ७ दिन भित्र सो राहत उपलब्ध गराउन माग गर्दै स्थानीय बाढीपिडितले ज्ञापन पत्र बुझाएका छन् ।
बाढीपिडित संघर्ष समिति कटहरीको अनुवाईमा उनीहरुले विभिन्न ७ सुत्रिय माग राख्दै कटहरी गाउँपालिकाका अध्यक्ष रामकुमार कामतलाई ज्ञापनपत्र बुझाएका हुन् ।
बाढीपिडितका लागि आएको राहत तथा क्षतिपूर्ती ७ दिन भित्र कटहरी गाउँपालिकाले उपलब्ध गराउनुपर्ने, बाढीपिडित किसानलाई उचित राहत तथा क्षतिपूर्ती दिनुपर्ने, नदि किनारका सुकुम्बासी परिवारलाई पुनरबासको व्यवस्था गर्नुपर्ने, बाढीपिडित परिवारका वालवालिकालाई निशुल्क शिक्षा, स्वास्थ्य तथा रोजगारिको ग्यारेन्टी गर्नुपर्ने, बाढी पिडितको पहिचान गरि परिचत्र पत्र बितरण गनुपर्ने, गाउँपालिका भित्र हुने भ्रष्टचार अन्त्य गरिनुपर्ने माग राख्दै हजारौँको संख्यामा नाराबाजी सहित कटहरी गाउँपालिका पुगेका उनीहरुले गाउँपालिका अध्यक्षलाई ज्ञापन पत्र बुझाएका हुन् ।
ज्ञापन पत्र बुझ्दै गाउँपालिका प्रमुख कामतले बाढीपिडितहरुको मागहरुको उचित सम्बोधन गरिने आश्वासन दिए । ज्ञापन पत्र बुझाएपछी कटहरी चोक्मा आयोजित कोणसभामा बाढीपिडित संघर्ष समिति कटहरीका संयोजक मृत्यून्जय झाले गत आर्थिक वर्षको माघ महिनामै गृहमन्त्रालय मार्फत राहत रकम आएपनि गाउँपालिकाको लापरवाहीले रकम फ्रिज भएको आरोप लगाए ।
उनले गत वर्ष साउन अन्तिम साता आएको बाढीबाट पिडित कटहरीका १ हजार ५ सय १६ घरधुरिका राहत स्वरुप गृह मन्त्रालय मार्फत लागि ३ करोड ७९ लाख ७५ हजार रुपैयाँ आएको भएपनि कटहरी गाउँपालिकाको लापरिवाहीले राहत रकम फ्रिज भएको भन्दै आक्रोश पोखे । उनले ७ दिन भित्रमा राहत रकम उपलब्ध नगराए कडा आन्दोलन गर्ने चेतावनी दिँदै आन्दोलनबाट पर्ने सम्पूर्ण असरको जिम्मेवारी कटहरी गाउँपालिकाले लिनुपर्ने चुनौती दिए ।
यस अघि उनिहरुले जिल्ला प्रशासन कार्यालय मार्फत प्रधानमन्त्रीलाइ ज्ञापनपत्र पठाएर कार्यालय परिसर अघि प्रदर्शन गरेका थिए । राहत रकम फ्रिज भएको आक्रोशमा उनीहरुले केहीदिन अघि राहत उपलब्ध गराउन माग गर्दै दवाव स्वरुप बाँसले सडक अबरोध गरि विराटनगर रंगेली सडकसमेत अबरुद्ध पारेका थिए ।
