६ मंसिर, काठमाडौं ।
इंग्लिस प्रिमियर लिगअन्तर्गत गएराति सम्पन्न खेलमा म्यानचेस्टर सिटीले सहज जित निकालेको छ।
घरेलु मैदानमा सम्पन्न खेलमा सिटीले एभर्टनमाथि ३–०को सहज जित निकालेको हो। सिटीको जितमा रहिम स्ट्रर्लिङ, रोड्री र बेर्नार्डो सिल्भाले गोल गरे।
खेलको ४४ औं मिनेटमा स्ट्रर्लिङको गोलमा सिटीले अग्रता लिएको थियो। खेलको ५५औं मिनेटमा रोड्रीले गोल गर्दै सिटीलाई २–० को स्थितिमा पु¥याए। खेलको ८६ औं मिनेटमा सिल्भाले गोल गर्दै सिटीलाई ३–० को सहज जित दिलाए।
जितसँगै १२ खेलबाट २६ अंक जोडेको सिटी लिगको दोस्रो स्थानमा रहेको छ। पराजित एभर्टन १५ अंकका साथ ११औं स्थानमा रहेको छ।
