काठमाडौं, २१ चैत । त्रिदेशीय टी–२० शृङखलाको फाइनल खेलमा नेपालले उपाधिकालागि पुपुवा न्यूगिनी (पीएनजी) लाई १ सय ६९ रनको लक्ष्य दिएको छ ।
त्रिवि क्रिकेट मैदानमा टस हारे पहिला ब्याटिङ गरेको नेपालले निर्धारित २० ओभरमा ६ विकेट गुमाएर १ सय ६८ रनको योगफल तयार पारेको छ ।
नेपालका लागि दिपेन्द्रसिंह ऐरी र करण केसीले उत्कृष्ट प्रदर्शन गरे । दिपेन्द्रले ३८ बलमा ५ चौका सहित सर्वाधिक ५४ रनको उत्कृष्ट अर्धशतकीय इनिङ खेले ।
मध्यक्रम धर्मराएको बेला क्रिजमा आएका करणले १२ बलमा ५ चौका र एक छक्कासहित ३३ रन जोडे ।
ओपनर कुशल भुर्तेल २५ रन, आसिफ शेख २९ रन, रोहित पौडेल २ रनमा आउट भए । आदिल अलाम १५ रनमा पभेलियन फिर्किएका थिए ।
पीएनजीको बलिङमा सिमो कामियाले सर्वाधिक तीन विकेट लिए । चाड सोपेर, काबुवा मोएरा र रिले हिकुरेले समान एक विकेट लिए ।
