काठमाडौं, २७ चैत । पूर्वअर्थमन्त्री डा. युवराज खतिवडाले देउवा सरकार गठन भएपछि आर्थिक गडबडी सुरु भएको बताउनुभएको छ ।
यो सरकारकै कारण अर्थतन्त्रमा खतराको घण्टी बज्यो, एमालेले ल्याएको लोकप्रिय बजेट सरकारले कार्यान्वयन गरेन, उहाँले भन्नुभयो चालु खर्च र पुँजीगत खर्चको सन्तुलन मिलाउन सकेन । पुँजीगत खर्च चैत २५ गते सम्म २६ प्रतिशत मात्रै खर्च भएको छ । आफ्नो कमजोरीको ढाकछोप गर्न राष्ट्र बैंककका गभर्नरलाई निलम्बन गरियो । मूल्य वृद्धिका कारण सर्वसाधारणको जनजीवन कष्टकर बन्यो । सरकारले बजारलाई छाडा छोडेको छ । उहाँले यो सरकारलाई गठबन्धन जोगाउने बाहेक केहि सोच नभएको बताउनुभयो ।
