विराटनगर, १३ मंसिर
रगत अभावलाई न्युनिकरण गर्न “हामी युवा”ले रक्तादातालाई अंकित गर्ने अनलाईन डेटाबेस तयार पारेको छ ।
नेपालमा हरेक वर्ष रगत अभावको समाचार सुन्ने गरिन्छ । यसै समस्यालाई न्यूनिकरण गर्न ‘हामी युवा’ नामक गैर सरकारी संस्थाले रक्तदाता डेटाबेसमार्फत सहजिकरण गर्न लागेको हो। नेपालभरिका रक्तदातालाई यस डेटाबेसमा अकिंत गर्ने ऊद्देश्य हामी युवाले लिएको छ ।यसका लागि ३ महिना सम्म रक्तदातालाई अनलाईन डेटाबेसमा समावेस गर्ने अभियान संचालन हुनेछ । त्यसपश्चात आवश्यक परेका बिरामीलाई रगत उपलब्ध गराउन सहयोग पुर्याउने ‘हामी युवा’ को योजना छ ।
३ महिना पश्चात डेटाबेसमा अंकित रक्तदाताको डाटा रगत र रक्तदान समबन्धी काम गरिरहेको विश्वासिलो संस्थालाई पनि उपलब्ध गराउन सकिने संस्थाले जनाएको छ ।