विराटनगर,भदौ १८
विराटनगरमा आज निकालिएको श्रीराधाकृष्णरथ यात्राको ५१ औं संस्करण सम्पन्न भएको छ ।
रथयात्राको क्रममा नगरक्षेत्रमा श्रद्धालु र दर्शनार्थीहरुको ठूलो भीडभाड हुने र सो क्रममा चोरी र पाकेटमारी,महिला हिंसालगायतका घटनाहरु समेत हुने भएकोले यसलाई रोक्न प्रहरीले सुरक्षा ब्यबस्था कडा पारेको थियो । तर सुरक्षा ब्यबस्था कडा पारिए पनि यस्ता घटनालाई रोक्न प्रहरी असफल भएको छ ।
यसपटककोे रथयात्रामा पनि भीडभाडमा महिला माथि अभद्र ब्यबहार गरेको दृश्य ठाउँठाउँमा देखिएका छन् । रथयात्राको क्रममा हुने अवांछित गतिविधिमा कम गर्न नेपाल प्रहरी, सशस्त्र प्रहरी तथा नेपाली सेनाको परिचालन गर्नुका साथै प्रहरीले ड्रोन क्यामरामार्फत पनि निगरानी राखेको थियो ।
