२८ जेठ, एजेन्सी ।
दक्षिण अफ्रिकी सहर जोहानेसबर्गमा ५.० म्याग्निच्युडको भूकम्प ग५ रेकक्टरको भूकम्पमा हल्लियो जोहानेसबर्गएको छ । रोर्यटसले यो भूकम्पको केन्द्रविन्दु जोहानेसबर्गबाट १७ किलोमिटर दक्षिणपूर्व रहेको उल्लेख गरेको छ । भूकम्पको धक्का १० किलोमिटरसम्म महसुस गरिएको थियो । भुकम्पको धक्का सहरमा मात्र नभई देशभरी नै महसुस गरिएको थियो ।
हाल कुनै पनि मानवीय र भौतिक क्षति बारे कुनै जानकारी नभएको समाचारमा उल्लेख छ । जोहानेसबर्ग दक्षिण अफ्रिकाको सबैभन्दा धेरै जनसंख्या भएको सहर हो। स्थानीय समय अनुसार बिहान २ बजेर ३८ मिनेटमा भूकम्पको धक्का महसुस गरिएको अमेरिकी भूगर्भ सर्वेक्षण (युएसजीएस) ले जनाएको छ ।
भूकम्पका कारण यहाँको गौतेङ प्रान्तका भवनहरु हल्लन थालेका थिए । यो सहरको सबैभन्दा ठूलो व्यापारिक केन्द्र हो। जोहानेसबर्गका जनताले यस भूकम्पको भिडियो सामाजिक सञ्जालमा सेयर गरेका छन् । यहाँ करिब नौ वर्षपछि भूकम्पको धक्का महसुस भएको छ । भिडियोमा भूकम्पबाट भएको क्षतिलाई देखाइएको छ ।
अगस्ट २०१४ मा, जोहानेसबर्ग नजिकैको सुन खानी सहरमा ५.३ म्याग्निच्युडको भूकम्प गएको थियो। दक्षिण अफ्रिकामा गएको पछिल्लो ठूलो भूकम्प ६.३ म्याग्निच्युडको भूकम्प थियो। १९६९ मा, पश्चिमी केप प्रान्तमा यो भूकम्पले धेरै क्षति पुर्यायो। त्यसबेला भूकम्पमा मृत्यु हुनेको संख्या १२ जना भए पनि धनमालमा धेरै क्षति भएको थियो ।
हालैको एक प्रतिवेदनमा खानी गतिविधि बढेका कारण दक्षिण अफ्रिकामा भूकम्पको जोखिम बढेको बताइएको छ । पछिल्लो एक दशकमा मुलुकमा प्राकृतिक प्रकोप बढेको प्रतिवेदनमा उल्लेख छ । प्रतिवेदनका अनुसार भूकम्पजस्ता प्रकोपका लागि देशका जनता अझै तयार छैनन् ।
