२४ असार, एजेन्सी ।
ब्ल्याक होल हाम्रो अन्तरिक्षमा सबैभन्दा रहस्यमय चीजहरू मध्ये एक हो। अमेरिकी अन्तरिक्ष एजेन्सी नासाले पछिल्लो समय वैज्ञानिकहरूले जेम्स वेब स्पेस टेलिस्कोपको सहयोगमा सबैभन्दा टाढाको सुपरमासिभ ब्ल्याक होल पत्ता लगाएको घोषणा गरेको छ ।
यो ब्ल्याक होल यति पुरानो छ कि ब्रम्हाण्डको सृष्टि भएको ५७ करोड वर्षपछि नै अस्तित्वमा आएको छ । यो ग्यालेक्सी ऋभ्भ्च्क् ज्ञण्ज्ञढ को केन्द्र मा अवस्थित छ । यस ब्ल्याक होलको पिण्ड ९० लाख सूर्य बराबर छ।
यसबाहेक वैज्ञानिकहरूले ब्रम्हाण्डको सृजनाको १ देखि १ अर्ब १ करोड वर्षपछि बनेका थप दुईवटा साना ब्ल्याक होलहरू पनि पत्ता लगाएका छन्। यस बाहेक अरु धेरै ब्ल्याक होलहरू छन् जसमा अरबौं सूर्यको पिण्ड छ।
तिनीहरूलाई अन्तरिक्षमा सजिलैसँग पत्ता लगाउन सकिन्छ । किनभने तिनीहरू हरेक पल आफैं भित्र पदार्थ खाइरहेका हुन्छन्, जसको कारण तिनीहरू टाढाबाट चम्किन्छन्। ऋभ्भ्च्क् ज्ञण्ज्ञढ मा रहेको ब्ल्याक होल हाम्रो ग्यालेक्सीको केन्द्रमा रहेको ब्ल्याक होल जस्तै छ, जुन ४६ लाख सौर्य पिण्ड बराबर छ।
ऋभ्भ्च्क् सर्वेक्षण डेटा प्रयोग गरी द एस्ट्रोफिजिकल जर्नल लेटरमा प्रकाशनको लागि तीनवटा छुट्टै अध्ययनहरू स्वीकार गरिएको छ। नासाले जारी गरेको विज्ञप्तिमा भनिएको छ, ‘यो ब्ल्याक होल पहिले पत्ता लागेको ठूलो ब्ल्याक होल जत्तिकै चम्किलो छैन ।
यद्यपि, यो ब्रह्माण्डको सुरुवात पछि कसरी जन्मियो भनेर बुझ्न गाह्रो छ। अध्ययनको नेतृत्व गरेकी रेबेका लार्सनले भनेकी छिन् ’यस टेलिस्कोपबाट धेरै टाढा हेर्नु भनेको हाम्रो नजिक रहेको ग्यालेक्सीको ब्ल्याक होललाई हेर्ने जस्तै हो।’
टोलीले तथ्यांकमा आकाशगंगाले सकेसम्म धेरै ग्यास खपत गर्दै नयाँ ताराहरू पनि उत्पादन गरिरहेको पत्ता लगाएको छ । जेम्स वेबले हालै सौर्यमण्डलमा रहेको शनि ग्रहको तस्बिर पनि खिचेको छ ।
यो तस्बिरमा शनिको रिङ निकै चम्किलो देखिएको छ । शनि ग्रहको यो तस्विर देखेर खगोलविद् पनि छक्क परेका छन् । तस्बिरमा शनिको गोलो घेरा चम्किरहेको देखिएको छ ।
