विराटनगर,भदौ २४
लायन्स क्लव अफ विराटनगर डाइनोले विराटनगरमा पद हस्तान्तरण कार्यक्रम सम्पन्न गरेको छ । मोरङ व्यापार संघको सभाहलमा आयोजित एक कार्यक्रमकाबीच बर्ष २०१७/१८ का अध्यक्ष मोहित अग्रवालले बर्ष २०१८/२०१९ का अध्यक्ष विजय बोहोरालाई पिन र माइन्युट हस्तान्तरण गरे ।
लायन्स क्लव अन्तर्राष्ट्रिय डिष्ट्रिक ३२५ ए वानका गभर्नर अनन्त भेटवालको उपस्थितीमा भएको कार्यक्रममा क्लवका पूर्व अध्यक्ष अग्रवालले आफ्नो कार्यकालमा क्लवले गरेका काम कारवाही बारे जानकारी गराएका थिए । नवनिर्वाचित अध्यक्ष बोहोराले गभर्नरले दिएको जिम्मेवारी पुरा गरेर सामाजिक क्षेत्रमा अझै उल्लेखनीय काम गर्दै जाने प्रतिवद्धता व्यक्त गरेका छन्।
डिष्ट्रिक गभर्नर अनन्त भेटवालले क्लवले गरेको कामको प्रशंसा गर्दै आगामी दिनमा अझ सक्रिय भएर लाग्न निर्देशन दिए । कार्यक्रममा लायन्स क्लव अफ विराटनगर एक्ज्युकेटिभ, लायन्स क्लव सिल्भर र लायन्स क्लव कञ्चनबारीले पनि नयाँ कार्यसमितिलाई पद हस्तान्तरण गरेका थिए । सो अवसरमा टेलिभिजनका सह–सम्पादक सन्तोष सिग्देललाई सम्मान गरिएको थियो ।
