मोरङ, भदौ २५
जिल्ला प्रहरी कार्यालय मोरङले लागु औषध अपराध बिरुद्धको ३ महिने अभियान संचालनमा गरेको छ । अभियानको बिराटनगर भन्सार कार्यालय रानीमा सोमबार एक कार्यक्रमका बिच शुभारम्भ गरिएको हो । अभियान भाद्र २५ गते देखी मंसिर २४ गते ३ महिना सम्म संचालन गरिने छ ।
कार्यक्रममा बोल्दै प्रमुख आतिथि तथा मोरङ जिल्लाका प्रमुख जिल्ला अधिकारी रमेश कुमार केसीले लागु औषधको समस्याले समाजलाई बिकृति तर्फ धकेलिरहेको हुँदा यो समस्या प्रमुख सुरक्षा चुनौतीका रुपमा रहेको बताए । उनले चोरी, लुटपाट, अपहरण तथा कर्तब्य ज्यान जस्ता बिभिन्न सामाजिक अपराधहरुको जड पनि लागु औषध दुब्र्यसनीनै रहेको हुँदा यो अभियानले बिभिन्न किसिमका सामाजिक अपराधहरुलाई निरुत्साहित गर्ने अपेक्षा राखिएको बताए ।
त्यस्तै मोरङ जिल्लाका प्रहरी प्रमुख प्रहरी उपरीक्षक मनोज कुमार केसीले हाम्रो समाजको ठुलो जमात लागु औषधको दलदलमा फसिरहेको र यसबाट हाम्रो सामाजिक संरचनात्मक बिकासलाई नै नकरात्मक दिशा तर्फ धकेलिरहेकोले लागु औषध दुब्र्यसन, ओसार पसार, खरिद बिक्री जस्ता अपराधबाट युवा जमातलाई जोगाउने अभिप्रायका साथ सरोकारवाला सबै पक्षहरुसंग समन्वय गर्दै उल्लेख्य मात्रामा रहेको लागु औषध दुव्र्यसनीहरुलाई लक्षित गरी यो कार्यक्रम “ लागु औषध अपराध बिरुद्धको अभियान” लागु गरिएको बताए ।
उनले थप प्रस्ट पार्नु हुँदै स्वयं लागु औषद दुव्र्यसनीहरु, अभिभावकहरु, घर परिवार, समाज, सम्पर्कमा आउने प्रहरी, पुनस्र्थापना केन्द्र, उपचार केन्द्र लगायत सबैले लागु औषध दुब्र्यसनीहरु प्रति सकारात्मक ब्यबहार प्रदर्शन गर्न सकेमा उनीहरु अवश्य पनि परिवर्तन हुन सक्छन भन्ने अवधारणा अनुरुप यो अभियान संचालन गरिएको प्रस्ट पारे ।कार्यक्रमको अध्यक्षता बिराटनगर महानगरपालिका–१४ का वडा अध्यक्ष बालदेव यादवले गरेका थिए ।
