२३ पुष,एजेन्सी ।
मध्यपूर्वको दौडाहामा रहेका अमेरिकी विदेश मन्त्री एन्टोनी ब्लिंकेनले गाजामा चलिरहेको युद्ध अन्य क्षेत्रमा पनि बढ्न सक्ने चेतावनी दिएका छन् । आइतबार यस्तो चेतावनी दिदै उनले यो युद्धले सिंगो पश्चिमी एशियाको सुरक्षालाई खतरा रहेको बताएका छन् । ब्लिंकेन अहिले इजरायलसहित अन्य अरब देशहरुको दौडाहामा आएका छन् ।
सोही क्रममा आइतबार दोहामा कतारका प्रधानमंत्री शेख मोहम्मद बिन अब्दुलरहमान अल थानीसंग उनले भेट गरेका थिए । सोही भेटपछि मीडियासंग कुरा गर्दै अमेरिकी विदेश मन्त्रीले त्यस्तो चेतावनी दिएका हुन् ।यस्तै उनले गाजाकै विषयमा जोर्डनका राजा अब्दुल्लाह द्वितीयसँग पनि भेटवार्ता गरेका छन् ।
उनीसँगको भेटपछि राजाले गाजापट्टी र वेस्ट बैंकलाई अलग गर्ने प्रयासलाई आफ्नो देशले अस्वीकार गरेको बताएका छन् । उनले गाजामा जारी इजरायली आक्रमणको विनाशकारी असरहरूको चेतावनी समेत दिएका छन् । इजरायल र हमासबीच युद्ध जारी रहेको तीन महिना वितिसकेको छ ।
यो दौरान गाजामा २२ हजारभन्दा धेरैले ज्यान गुमाइसकेका छन् । यता इजरायलका १२ सयभन्दा धेरैको मृत्यु भएको छ । यो युद्धमा लाखौं मानिसहरु विस्थापित भएका छन् । हालै हमासलाई समर्थन गर्दै आएको इरानमा पनि एक सयबढिको ज्यान जाने गरि भएको २ बम विस्फोटले स्थिति थप चिन्ताजनक बनेको छ ।
इरानले यसको आरोप इजरायलमाथि लगाएको थियो तर पछि आईएसआईएसले यसको जिम्मेवारी लिएको थियो । यता इजरालयले लेबनानमा रहेका हिजबुल्लाहमाथि पनि आक्रमण जारी राखेको छ । उता इरान समर्थित हूथी विद्रोहीहरुले प्यालेस्टाइनीहरुको समर्थनमा रेड सीमा लगातार व्यापारिक जहाजहरुमाथि आक्रमण गरिरहेको छ ।
यसले अन्तर्राष्ट्रीय शिपिंग रूटमा खतरा बढिरहरेको छ । गाजामा मानवीय संकट बढेको भन्दै कयौं देशहरु पनि इजरायलसंग चिढिएका छन् । इजरायलले भने स्पष्ट शब्दमा भनेको छ, कि हमाससंग उसको लडाई लामो समयसम्म चल्न सक्छ । जबसम्म सबै बन्धकहरु रिहा हुँदैनन् तबसम्म लडाई नरोक्ने इजरायलले बताएको छ ।
यसबीच अरब देशहरुमा रहेका अमेरिकी सैन्य अड्डाहरुमा पनि आक्रमण हुन थालेका छन् । जसको जवाफ अमेरिकाले पनि फर्काएको छ । रेड सीमा त गठबन्धन नै बनाएर संघर्षमा उत्रिएको छ । यस्तो पृष्ठभूमीमा नै अमेरिकी विदेशमन्त्रीले गाजाको युद्ध अन्यत्र अर्थात पश्चिम एसियामा सर्नसक्ने चेतावनी दिएको ।
यसबीच ब्लिंकेनले हमासले बन्धक बनाएकाहरुलाई चाडै मुक्त गर्नुपर्नेमा पनि जोड दिए । उनले गाजामा ठूलो संख्यामा भइरहेको विस्थापन र गहिरिदै गएको मानवीय संकटबारे पनि चिन्ता जनाए । सो क्रममा कतारका प्रधानमंत्रीले पनि गाजामा युद्धविरामका लागि छलफल चलिरहेको बताएका थिए ।
ब्लिंकेन आफ्नो अरब दौडाहाका क्रममा कतार पुग्नुअघि ग्रीस, टर्किए र जोर्डन पुगेका थिए । आज उनी साउदी अरब पुगेका छन् । साउदीमा ब्लिंकेनले क्राउन प्रिंस मोहम्मद बिन सलमानसंग छलफल गर्नेछन् । त्यसपछि उनी इजरायल पनि जाने बताइएको छ ।
