१४ वैशाख , एजेन्सी ।
इरानसँगको व्यापार सम्बन्धमा अमेरिकाले १२ भन्दा बढी कम्पनीमाथि प्रतिबन्ध लगाएको छ जसमा तीन भारतका रहेका छन् ।बिहीबार अमेरिकी अर्थ मन्त्रालयले एक विज्ञप्ति जारी गर्दै यो जानकारी दिएको हो । अमेरिकाले इरानी सेनाको तर्फबाट अवैध व्यापार र मानवरहित हवाई वाहन (UAV) स्थानान्तरणको लागि तीन भारतीय कम्पनीहरू सहित एक दर्जन भन्दा बढी कम्पनीहरूमा प्रतिबन्ध लगाएको छ ।
युक्रेन र रुस युद्धको समयमा इरानी मानवरहित हवाई सवारी साधनको गोप्य बिक्रीमा प्रतिबन्धित कम्पनी, व्यक्ति र जहाजको भूमिका रहेको बयानमा उल्लेख छ। अमेरिकी ट्रेजरी डिपार्टमेन्टका अनुसार सहारा थन्डर यी प्रयासहरूको समर्थनमा इरानको व्यावसायिक गतिविधिहरूको निरीक्षण गर्ने प्रमुख कम्पनी हो ।
सहारा थन्डरलाई सहयोग गर्ने तीन भारतीय कम्पनीहरू जेन सिपिङ, पोर्ट इन्डिया प्रालि र सी आर्ट शिप म्यानेजमेन्ट प्रालि हुन्। ट्रेजरी डिपार्टमेन्टका अनुसार सहारा थन्डर जनवादी गणतन्त्र चीन (पीआरसी), रसिया र इरानको रक्षा मन्त्रालय र सशस्त्र बल रसदको तर्फबाट इरानी सामानहरूको बिक्री र ढुवानीमा संलग्न विशाल शिपिंग नेटवर्कमा निर्भर छ।
सहारा थन्डरले इरानका हजारौं यूएभीको डिजाइन, विकास, निर्माण र बिक्रीमा पनि प्रमुख भूमिका खेल्छ, विज्ञप्तिमा भनिएको छ। यी मध्ये धेरै युक्रेन विरुद्धको युद्धमा प्रयोग गर्न रसियालाई दिइएको थियो। सहारा थन्डरले २०२२ बाट धेरै वस्तुहरूको ढुवानी व्यवस्थित गर्न चिम प्रयोग गरेको छ। इरानमा रहेको आर्साङ सेफ ट्रेडिङ कम्पनीले चिम लगायत सहारा थन्डरसँग सम्बन्धित धेरै ढुवानीहरूको समर्थनमा जहाज व्यवस्थापन सेवाहरू उपलब्ध गराएको छ।
टेररिज्म एण्ड फाइनान्सियल इन्टेलिजेन्सका अनुशार इरानको रक्षा मन्त्रालयले युक्रेनमा रसियाको युद्ध, इजरायलमा आक्रमण र आतंकवादीहरूलाई हवाई वाहन UAVर सैन्य हार्डवेयरको प्रसारलाई समर्थन गरेर यस क्षेत्र र विश्वलाई अस्थिर बनाउन खोजेको छ। इरानमा स्थित एसिया मरीन क्राउन एजेन्सीले पनि सहारा थन्डरको धेरै ढुवानीलाई समर्थन गर्दै इरानको पोर्ट एजेन्टको रूपमा काम गरेको छ।
