४ भदौ ,एजेन्सी ।
म्यानचेस्टर सिटीका मिडफिल्डर फिल फोडेनले प्रोफेसनल फुटबलर्स एशोसिएसन (प्रोफेसनल प्लेयर अफ द इयर) को अवार्ड जितेका छन् । यस्तै चेल्सीका विंगर कोल पाल्मरले वर्षको उत्कृष्ट युवा खेलाडीको अवार्ड जितेका छन् । सन् २००९–१० पछि पहिलो पटक पुरुषतर्फको दुवै पुरस्कार दिइएको हो ।
त्यस सिजनका लागि वेन रुनी र जेम्स मिल्नरले क्रमशः प्लेयर र युवा प्लेयर अफ द इयर पुरस्कार जितेका थिए । फोडेनले २०२३–२४ मा १९ गोल गरे । ती गोलहरुसँगै सिटीले लगातार चौथो पटक ऐतिहासिक प्रिमियर लिग जित्यो । २३ वर्षीय फोडेन ६ वटा इङ्लिस प्रिमियर लिग उपाधि जित्ने सबैभन्दा कान्छा खेलाडी समेत हुन् ।
फोडेनले सिटीका एर्लिङ हालान्ड, रोड्री, चेल्सीका पामर, आर्सनलका मार्टिन ओडेगार्ड र एस्टन भिल्लाका ओली वाटकिन्सलाई पछि पारेका हुन् । पाल्मर भने रित्तो हात फर्किएनन् उनले युवा खेलाडीको उपाधि जिते । चेल्सीका लागि आफ्नो पहिलो सिजनमा प्रिमियर लिगमा उनले २२ गोल गरेका थिए ।
उनको यूरो २०२४ मा पनि राम्रो प्रदर्शन गरेका थिए । फाइनलमा उनले गोल गरे पनि टोली भने पराजित हुन पुग्यो । उनले आर्सनलका बुकायो साका, म्यानचेस्टर युनाइटेडका कोबी माइनु र एलेजान्ड्रो गार्नाचो, क्रिस्टल प्यालेसका पूर्व खेलाडी माइकल ओलिस र ब्राइटनका जोआओ पेड्रोलाई पछि पार्दै युवा खेलाडीमा अवार्ड जितेका हुन् ।
महिलातर्फ म्यानचेस्टर सिटीकी खादिजा शा वर्ष खेलाडी र म्यानचेस्टर युनाइटेडकी ग्रेस क्लिन्टन वर्षको उत्कृष्ट युवा खेलाडी घोषित भइन् ।
यस्तो छ पीएफए वर्ष खेलाडी सूची
गोलकिपर
डेभिड राया, आर्सनल
डिफेन्डर
विलियम सालिबा, आर्सनल
भर्जिन भान डाइक, लिभरपुल
ग्याब्रियल, आर्सनल
कायल वाकर, म्यानचेस्टर सिटी
मिडफिल्डर
रोड्री, म्यानचेस्टर सिटी
डेक्लन राइस, आर्सनल
मार्टिन ओडेगार्ड, आर्सनल
फरवार्ड
एर्लिङ हालान्ड, म्यानचेस्टर सिटी
फिल फोडेन, म्यानचेस्टर सिटी
वली वाट्किन्स, एस्टन भिल्ला
महिला उत्कृष्ट खेलाडी
खादिजा बन्नी श ः म्यानचेस्टर सिटी
