१४ भदौ, नवलपुर ।
नवलपुरमा सेफ्टी ट्यांकामा काम गर्ने क्रममा बेहोस भएर तीन जनाको मृत्यु भएको छ ।
विनयी त्रिवेणी गाउँपालिका-७ रानीनगरका भोलासिंह क्षेत्रीको निर्माणाधीन घरको शाैचालयको सेफ्टी ट्यांकीभित्र काम गर्दै गर्दा बेहोस भएर तीन जनाको मृत्यु भएको हो ।
मृत्यु हुनेमा घरधनी भोला सिंहका छोरा ३८ वर्षीय प्रकाशसिंह क्षेत्री, सोही ठाउँका १८ वर्षीय गणेश बोगटी र मोहम्मद राजा रहेको प्रहरीले जनाएको छ ।
उनीहरू तीनै जनाको उपचारका क्रममा रुपन्देहीका विभिन्न अस्पतालमा मृत्यु भएको हो ।
बेहोस भएका उनीहरूलाई छिमेकी प्रकाश क्षेत्रीमार्फत जानकारी प्राप्त भएपछि खटिएको प्रहरी टोलीले उपचारका लागि रुपन्देहीको सहिद स्मृति सामुदायिक अस्पतार चौपत्ता लगेको थियो ।
उपचारका क्रममा तीनै जनाको मृत्यु भएको जिल्ला प्रहरी कार्यालयका प्रहरी नायब उपरीक्षक वेदबहादुर पौडेलले जानकारी दिए ।
