२४ असोज , विराटनगर।
गाजामा एक वर्षदेखि चलिरहेको भीषण रक्तपातका बीच आफ्नो सबै कुरा गुमाइसक्दा पनि हमास समूहले इजरायलसंग अझै हार मानेको छैन । यता १५ दिनभित्रै लेबनानमा रहेको हिज्बुल्लाहले भने इजरायलसामु घुँडा टेक्ने देखिएको छ ।
इजरायली सेना लेबनान प्रवेश गरेको केही दिनभित्रै हिज्बुल्लाहका उपनेता नईम कासिमले इजरायलसंग युद्धविरामको अपिल गरेका छन् । हिज्बुल्लाह इजरायलका अगाडि गाजाको शर्त पनि छाड्नका लागि राजी भएको छ ।
इजरायली सेनाले केही दिनमा नै हिज्बुल्लाहका कयौं टप लिडरहरुलाई मारिसकेको छ । हसन नसरल्लापछि उनका उत्तराधिकारी सफिद्यिनलाई पनि मार्यो । सफिद्यिनपछिका एक सम्भावित उत्तराधिकारीलाई पनि मारेको दाबी गरेको छ ।
यसका साथै हतियारहरुको भण्डार, सैंयौं कमाण्डरहरुको पनि इजरायलले सफाया गरेको छ । इजरायलले साउथ लेबनानमा निकै पकड बनाएको छ । जमिनी लडाइँका बीच इजरायली सेनाले लेबनानका कयौं क्षेत्रहरुमा कब्जा जमाएको छ ।
कतिपय त्यहाँका स्थानीय मिडियाहरुको रिपोर्टलाई सही मान्ने हो भने स्वयं लेबनानी सेनाले इजरायलका लागि बाटो खाली गरिदिएका छन् । यस्तोमा एकातर्फ इजरायलले लेबनानी सिमामा जमिनी आक्रमणका लागि आफ्ना सेनाहरु पठाएर अर्कातिर हवाई आक्रमण गरेर बेरुत र अन्य क्षेत्रहरुमा बिनास मच्चाएका बेला हिज्बुल्लाह युद्धविरामका लागि राजी भएको हो ।
उसले लेबनानमा युद्धविरामका लागि पहिला गाजामा युद्धविराम हुनुपर्छ भन्ने शर्त पनि छाडेको हो । हिज्बुल्लाहका उपनेता नईम कासिमले भने, हामी युद्धविरामका लागि भइरहेको प्रयासहरुको समर्थन गर्छौ ।
एक पटक युद्धविराम बलियो गरि स्थापित भयो भने अन्य कुराहरुमा पनि कुटनीतिक वार्ताद्वारा सहमति पुरा गरिनेछ । यो बेला हाम्रा लागि लेबनानवासीहरुको ज्यानभन्दा ठूलो केही पनि छैन । कासिमले यो कुरा आफ्नो टेलिभिजन भाषणमा भनेका हुन् ।
यसबीच द टाइम्स अफ इजरायलले हिजो इजरायली टेलिभिजन च्यानल १२ को रिपोर्टलाई उदृत गर्दै लेखेको छ, संयुक्त राज्य अमेरिका र अरब देशहरुले मध्यपूर्वमा चलिरहेको सबै युद्ध रोक्नका लागि इरानका साथमा गोप्य वार्ता सुरु गरेका छन् ।
यता एक्सियोसले तीन अमेरिकी अधिकारीहरुलाई उदृत गर्दै भनेको छ कि अमेरिकी राष्ट्रपति जो बाइडेनले बुधबार विहान इजरायली प्रधानमन्त्रीसंग फोनमा कुरा गरेका छन् । दुई नेताबीच इरानमा चलिरहेको संघर्षका बारेमा कुराकानी भयो ।
समाचार आउटलेटले अमेरिकी अधिकारीहरुलाई उदृत गर्दै भनेको छ कि बाइडेन र नेतन्याहुले लेबनान र गाजा युद्धबारेमा पनि चर्चा गरे । दुई नेताबीचको फोनवार्ता झण्डै आधा घण्टा चलेको थियो । केही मिडिया रिपोर्टका अनुसार यो वार्तापछि इजरायलले अमेरिकाबाट हिजबुल्लाहविरुद्ध आफ्नो हमला जारी राख्न खुला छुट पाएको छ ।
इरानले इजरायलमा ब्यालेस्टिक मिसाइल हानेपछि यो पहिलो पटक हो बाइडेन र नेतन्याहुबीच कुराकानी भएको । दुई महिनाअघि भने दुवैले वार्ता गरेका थिए । इजरायलले अहिले लेबनानमा पसेर ग्राउंड अपरेशनलाई अगाडि बढाएको छ ।
साथै आकाशबाट पनि बेरुतसहित अन्य शहरहरुमा लगातार बमबारी गरिरहेको छ । कतिपय क्षेत्रहरुमा लेबनानी सेनाहरुले नै इजरायली सेनाको बाटो खाली गरिरहेको भन्ने खबरहरु पनि आइरहेका छन् । इजरायलले गाजामा युद्ध चलिरहेकै बेला लेबनानमा हिज्बुल्लाहविरुद्ध पनि सिधा युद्धको घोषणा गरेको थियो ।
त्यसैअनुसार इजरायल अगाडि बढीरहेको छ । यसबीच अब इजरायलले कुनै पनि बेला इरानमा हमला गर्न सक्ने आनुमान लगाइएको छ । हिजोमात्रै इजरेली रक्षामन्त्रीले अब इरानविरुद्ध इजरायलको हमला घातक, सटिक र हैरान पार्ने खालको हुने बताएका थिए ।
उनले भनेका छन्, दुश्मनले थाहा पनि पाउँने छैन कि के भयो, कसरी भयो । मात्रै उनीहरुले बिनाश देख्नेछन् । नेतन्याहुले पनि इरानले मिसाइल हमलाको मूल्य चुकाउने बाचा गरेका छन् । इरानले पनि जस्तोसुकै कारबाहीका लागि तयार रहेको र कडा मुकाबला गर्ने चेतावनी दिएको छ ।
इता अमेरिकी राष्ट्रपति जो बाइडेन र इजरायलका प्रधानमन्त्री बेन्जामिन नेतन्याहूबीच टेलिफोन वार्ता भएको छ । बाइडेन र नेतन्याहूबीचमा ३० मिनेट लामो फोन वार्ता भएको हो । अगस्टयता उनीहरूबीच भएको यो पहिलो सम्पर्क भएको अनुमान गरिएको छ ।
वार्तामा इजरायलको इरानको मिसाइल आक्रमणको प्रतिकार गर्ने योजना बारे छलफल भएको थियो । ह्वाइट हाउसले यसलाई प्रत्यक्ष र उत्पादक संवाद भनेको छ । बाइडेन र नेतन्याहूले आगामी दिनहरूमा नजिकबाट सम्पर्कमा रहने सहमति गरेको जनाइएको छ । अमेरिकी उपराष्ट्रपति कमला ह्यारिस पनि फोनमा सहभागी भएकी थिइन् ।
यसबीच बुधबार विहान भएको वार्तामा बाइडेनले नेतन्याहूलाई इरानलाई जवाफ दिने क्रममा इजरायलको रिस्पोन्स संतुलित हुनुपर्ने पनि बताएका छन् । यसअघि व्हाइट हाउसले प्रेस नोटमा इरानी मिसाइल हमलाको निन्दा गर्दै इजरायललाई पनि इरानको परमाणु साइटमा हमला नगर्न भनेको थियो ।
यसअघि बीचमा लामो समय बाइडेन र नेतन्याहुबीच कुराकानी नहुनुमा नेतन्याहुसंग बाइडेन रिसाएको भनिएको थियो । किनभने पछिल्लो पटक नेतन्याहुले बाइडेनको कुरा मान्न छाडेका थिए। नेतन्याहूले मिडिल ईस्टमा तनाव कम गर्न बाइडेनको प्रयासहरुलाई सार्वजनिक रूपले नै अस्वीकार गरेका थिए ।
यस्तो पनि चर्चा थियो कि इजरायली नेताले नोभेम्बरको अमेरिकी चुनावअघिका साताहरुमा रिपब्लिकन राष्ट्रपति पदका उमेद्वार डोनाल्ड ट्रम्पलाई महत्व दिन थालेका थिए । गाजामा इजरायलको आक्रमणमा कम्तीमा ४२ हजार मानिसको ज्यान गएको छ । जसमध्ये अधिकांश सर्वसाधारण छन ।
हमासको विनाश र बन्धकहरूको उद्धार गर्ने प्रधानमन्त्री नेतन्याहूका दुई युद्धका उद्देश्यहरू पुरा भएका छैनन । हमास अझै लडिरहेको छ । अझै पनि उसले करिब १०० बन्धकहरू राखेको छ। हिजबुल्लाह र हमासलाई पुर्याएको क्षतिले केही इजरायलीहरूलाई इरानमाथि प्रत्यक्ष आक्रमण गर्ने संभावनालाई पनि बढाएको छ ।
धेरै इजरायलीहरूको लक्ष्य सूचीको शीर्षमा इरानका परमाणु स्थलहरू छन् । जुन गहिरो पहाडहरूमा निर्माण गरिएको छ । यस्तो अवस्थामा बाइडेन, आगामी राष्ट्रपतिकी उम्मेदवार ह्यारिस र नेतन्याहुबीचको संवादलाई थप महत्वका साथ हेरिएको छ । यसबारे आफ्ना टिप्पणी पनि अवस्य व्यक्त गर्नुहोला ।
ताजा खबरका लागि नेपाल टाइम्स्को अनलाइन पोर्टल डब्लु डब्लु डब्लु डट नेपाल टाइम्स् डट नेटमा गएर हेर्न सक्नु हुनेछ । यसैगरि हाम्रो युट्युव च्यानल र फेसबुक पेज पनि अवस्य भिजिट गर्नुहोला । तपाईले गर्नु भएको लाइक, कमेन्ट, सेयर र सब्क्राइबका लागि धेरै धन्यवाद । नेपाल टाइम्स् हेर्दै गर्नुहोला नमस्कार ।
