२५ असोज , काठमाण्डौ।
हिन्दू धर्मावलम्बी नेपालीहरूको महान् चाड बडादशैँ अन्तर्गत आश्विन शुक्ल दशमीका दिनमा मनाइने विजयादशमी अर्थात टीका भोलि रहेको छ । यसवर्षको विजयादशमी टीकाका अवसरमा प्रधानमन्त्री केपी शर्मा ओलीले यो दशैं परिवारका सदस्यबाहेक अन्यलाई टीका लगाउने कार्यक्रम नरहेको बताएका छन् ।
विपद्पछिको शोकका कारण उनले दशैं उल्लासमय हुन् नसकेको उल्लेख गरेका छन् । भिडियो सन्देशसहित प्रधानमन्त्रीले यो जानकारी दिइरहदा पूर्वराजाले भने यसअघि नै दशैंमा सर्वसाधारणलाई टीका लगाइदिने बताइसकेका छन् ।
बाढी पहिरो जस्ता विपद्ले उल्लासमय हुन नसकेको यो दशैंमा सरकार विपद्ले दिएको पीडाबाट जनतालाई मुक्त गर्न केन्द्रित हुनुपर्ने भएकाले टीकाको कार्यक्रम नराखिएको प्रधानमन्त्रीले बताएका छन् ।
भिडिओ सन्देश जारी गर्दै उनले भनेका छन्, यो वर्षको दशैं उल्लासमय हुन सकेन । दशैंको मुखमा दशैं अघि आएको भीषण बाढी र पहिरोको कारण २ सय भन्दा बढीले ज्यान गुमाएका छन् । कति घाइते हुनुभयो । धेरै जनधनको क्षति भयो । भौतिक पूर्वाधार पुलहरू बाटाहरू ध्वस्त भए । धेरैलाई घरबारविहीन बनायो । पहिरावरका सदस्यहरू बाढी पहिरोले चुँडेर लग्यो । यसैले हामी विगतजस्तो हामी दशैंमा यो अवसरमा रमाउन सकेको छैनौँ । सरकारको नेतृत्वमा रहेको हैसियतले पुनर्निर्माण र पुनर्स्थापनामा जुट्नुपर्ने आवागमन सुगम बनाउनुपर्ने उत्तरदायित्वमा लागिरहेको छु ।
उनले अप्ठ्यारोमा परेकाहरूलाई सहयोग गर्न पनि सबैलाई आग्रह गरेका छन् । सरकार भत्किएका घरहरू पुनर्निर्माण गर्नतर्फ र राहत तथा पुनर्स्थापनामा लागिरहेको पनि ओलीले आग्रह गरेका छन् । प्रधानमन्त्री ओलीले गच्छेअनुसार दशैं मनाउन सबैलाई आग्रह गरेका छन् ।
विपद्को शोकैकारण परिवारवाहेक टीका नलाउने प्रधानमन्त्रीले बताइरहदा भोलि रहेको टीकाको दिन पूर्वराजाले भने सर्वसाधारणलाई टीका लगाइदिने भएका छन् । गएको १८ गतेनै एक सूचना जारी गर्दै संवाद सचिवालयले यस वर्ष पूर्वराजाले निर्मल निवासमा शुभेच्छुक तथा सर्वसाधारणलाई टीका लगाइदिने बताइसकेको छ ।
संवाद सचिवालयले दिएको जानकारी अनुसार पूर्व राजा शाह र पूर्व रानी कोमल शाहले विजय दशमीका दिन अपराह्न ४ बजे शुभेच्छुक तथा सर्वसाधारणलाई टीका लगाउने भएका हुन् । भोलि देवी विसर्जनको शुभ साइत बिहान ८ बजेर ३३ मिनेटमा रहेको नेपाल पञ्चाङ्ग निर्णायक विकास समितिले जनाएको छ ।
टीका प्रसाद ग्रहण गर्न साइत खोज्नेका लागि नेपाल पञ्चांग निर्णायक विकास समितिले आज बिहान ११ बजेर ३६ मिनटको साइत उत्तम रहेको जनाएको छ । विजयादशमी आफैँमा शुभ दिन भएकाले आज टीका लगाउन सामान्य मानिसले साइत खोज्नु नपर्ने पनि समितिले जनाएको छ ।
