१६ माघ , विराटनगर।
गाजापट्टिमा हमाससंग युद्धविराम गरेपनि लेबनानमा हिज्बुल्लाहको चेतावनी खाइरहेको इजरायलका लागि अहिले स्वयं अमेरिकाले नै टेन्सन बढाइदिएको छ । खासमा राष्ट्रपति डोनाल्ड ट्रम्पले एक यस्तो कदम उठाएका छन् जसले इजरायलका लागि कुनै झट्काभन्दा कम छैन ।
ट्रम्पले सिरियामा रहेका आफ्ना हजारौं सैनिकहरुलाई फिर्ता बोलाउने निर्णय गरेका छन् । इजरायली मिडियाका अनुसार व्हाइट हाउसका अधिकारीहरुले यसका बारेमा जानकारी दिएका हुन्। यो कदम इजरायलका लागि कम्तिमा अहिलेको अवस्थामा ठुलै झट्का हो ।
किनभने अमेरिकी सेना यसक्षेत्रबाट हट्दा इजरायलको सुरक्षा चिंता बढ्न सक्छ । यसको अलावा रूसले पनि सिरियासंग अब उसको मिलिट्री बेसको भविष्य के हुन्छ भन्नेमा कुरा गरिरहेको छ।
यसबीच इजरायलको सरकारी मिडिया कानले भनेको छ ‘व्हाइट हाउसका वरिष्ठ अधिकारीहरुले आफ्ना इजरायली समकक्षीहरुलाई एक संदेश दिएका छन्, जसमा संकेत दिइएको छ कि राष्ट्रपति ट्रम्पले सिरियाबाट हजारौं अमेरिकी सैनिकहरुलाई फिर्ता बोलाउने इच्छा व्यक्त गरेका छन् ।
कानले आफ्नो रिपोर्टमा भनेको छ, सिरियाबाट अमेरिकी सेना फिर्तीले तेल अवीवको चिन्ताहरु बढ्ने छ । डिसेम्बरमा पेन्टागनले भनेको थियो, कि सिरियामा करीब २००० अमेरिकी सैनिक तैनाथ छन् ।
अमेरिकाका तर्फबाट आधिकारिकरुपमा यसलाई लिएर बयान आएको छैन । अमेरिकाले आफ्नो सैन्य उपस्थितिलाई सम्पूर्णरुपमा अन्त्य गर्छ वा आंशिक यसबारे अहिले केही जनाइएको छैन। अमेरिकी सैनिकहरु सिरियाबाट फिर्ता हुँदा इजरायलका दुश्मनहरुलाई उविरुद्ध खडा हुने मौका मिल्न सक्छ ।
अमेरिकाले सिरियाबाट यस्तो समयमा आफ्नो सेना निकाल्ने कुरा गरिरहेको छ जतिबेला हालै बशर अल–असदको शासन ढलेको छ । इजरायली रक्षामंत्री इसराइल काट्जले मंगलवार सीरियाको नियन्त्रणमा रहेको माउंट हर्मोनको भ्रमण गरेका थिए र सो क्रममा भने, इजरायलले यहाँ आफ्नो सैन्य उपस्थिति बनाइ राख्नेछ ।
काट्जले चेतावनी दिदै भने, ‘हामी इजरायल विरोधी शक्तिहरुलाई सिरियाको दक्षिणमा खुट्टा टेक्न दिने छैनौं । हामी इजरायलविरुद्ध उठ्ने खालका हरेक शक्तिविरुद्ध कारबाही गर्नेछौं’ ।सिरियामा बशर अल–असदलाई सत्ताबाट हटाएर विद्रोहीहरुले कब्जा जमाएका छन् ।
यो परिवर्तनपछि रूसले पनि सिरियामा रहेको आफ्नो सैन्य बेसलाई लिएर नयाँ प्रशासनसंग छलफल अगाडी बढाएको छ । रूसी मिडियाले भनेको छ कि रूसले सीरियामा रहेको रूसी सैन्य अड्डाहरुलाई लिएर सीरियासंग कुराकानी थालेको छ ।
रूसी न्यूज एजेंसी तासका अनुसार रूसका मंत्री मिखाइल बोगदानोभले भने, ‘यो मुद्दामा अतिरिक्त छलफलको आवस्यकता छ’ । बशर अल–असद रूसको निकट मानिन्थे । उनी सत्ताबाट हटेपछि पहिलो पटक रूसी प्रतिनिधिमंडल सिरया पुगेको छ, जसको नेतृत्व बोगदानोभले गरिरहेका छन् ।
उता अमेरिकी राष्ट्रपति डोनाल्ड ट्रंपले पनि अमेरिकाको सुरक्षाका लागि भन्दै एक ठूलो कदम उठाएका छन् । उनले इजरायलको ‘आयरन डोम’ जस्तै अमेरिकाका लागि पनि एक वायु रक्षा प्रणाली बनाउने निर्णय लिएका छन् । यसबारेमा उनले एक कार्यकारी आदेशमा हस्ताक्षर पनि गरेका छन् ।
इजरायलमा ७ अक्टूबर २०२३ मा हमासले हमला गर्दा ‘आयरन डोम’ ले हमास, हिजबुल्लाह र ईरानका तर्फबाट आएका हजारौं रकेट र मिसाइलहरुलाई रोकेको थियो । ट्रम्पले अब यस्तै प्रणाली बनाउने भएका हुन् । उनको आदेश अनुसार, रक्षा मंत्रीले आगामी ६० दिनमा मिसाइल डिफेंस सिस्टमको संरचना र यसका लागि अनुमानित लागतसहितको बजेट प्रस्तुत गर्नुपर्नेछ।
अमेरिकी रक्षा मंत्री पीट हेगसेथले अमेरिकाका लागि रणनीतिक मिसाइल खतराहरुको आकलन पनि प्रस्तुत गर्नुपर्ने मिडिया रिपोर्टहरुमा बताइएको छ । यसको अलावा, ती स्थानहरुको सूची पनि दिनुपर्ने छ जहाँ ‘आयरन डोम’ सिस्टम तैनाथ गर्न सकिन्छ ।
ताकि परमाणु हतियार सम्पन्न दुश्मनहरुबाट सुरक्षा गर्न सकियोस । ट्रंपले भनेका छन्, ‘आयरन डोम’ ले पूर्व राष्ट्रपति रोनाल्ड रेगनका तर्फबाट शुरू गरिएको अधूरो एजेंडाहरुलाई पुरा गर्नेछ । कार्यकारी आदेशमा ट्रंपले भनेका छन्, रीगनले परमाणु हमलाविरुद्ध एक प्रभावी रक्षा सम्यंत्र बनाउने प्रयास गरेका थिए ।
यो कार्यक्रमले कयौं प्रविधिहरुको प्रगति गर्यो तर यसलाई आफ्नो लक्ष्य प्राप्त गर्नुअघि नै रद्द गरियो । आदेशका अनुसार ‘आयरन डोम फर अमेरिका’ नामक प्रणालीमा एक बहु–स्तरीय नेटवर्क हुनेछ ।
यो अमेरिकी आयरन डोमले पूरै अमेरिकालाई एक सामान्य वायु रक्षा प्रदान गर्नेछ र हमलाहरुलाई रोक्नेछ, साथै अमेरिकी मुख्य भूमिका महत्वपूर्ण आधारभुत पूर्वाधारहरुको रक्षा गर्नेछ ।हुनत अमेरिकासंग विश्वको सबैभन्दा शक्तिशाली सेना छ, तर उसका दुश्मनहरु प्नि उती नै शक्तिशाली छन् ।
अमेरिकालाई सबैभन्दा ठूलो खतरा परमाणु हतियारबाट छ । उसका दुश्मनहरुमा चीन, रूस, उत्तर कोरिया, क्यूबा र ईरानजस्ता देशहरु छन् । चीन र रूससंगको तनावको खतरा सधैं नै रहँदै आएको छ । तर अचानक युद्ध नै शुरू हुने संभावना भने कम छ ।
उता उत्तर कोरिया एक यस्तो देश हो जो लगातार आफ्नो शक्ति देखाउनका लागि अमेरिकातर्फ घातक मिसाइलहरु प्रक्षेपण गरिरहन्छ । यही कारण हा कि अमेरिका एक मजबूत एयर डिफेंस सिस्टम बनाउन चाहान्छ ।
यस्तोमा आयरन डोमजस्तो प्रणाली नै बेस्ट छ । आयरन डोमले ब्यालिस्टिक, हाइपरसोनिक, एडवांस्ड क्रूज मिसाइलहरु र दुश्मनहरुको आगामी पीढीका हवाई हमलाहरुबाट पनि जोगाउने छ। यसबारेमा ट्रम्पको आदेशमा भनिएको छ, विश्वभारमा मिसाइलहरुको लन्च र उनीहरुलाई ट्रयाक गर्नका लागि एक स्याटेलाइट आधारित हाइपरसोनिक र ब्यालिस्टिक ट्रयाकिंग स्पेस सेंसर लेयरको तैनाथीमा तिव्रता ल्याइने छ ।
ताकि मिसाइलहरुलाई समयमै नष्ट गर्न सकियोस । अर्को बुँदा छ, आगामी पीढीँको सुरक्षा र लचिलोपनसहितका सुविधाहरुको साथ सबै घटकहरुका लागि एक सप्लाई चेन बनाइने छ । यस्तै ब्यालिस्टिक, हाइपरसोनिक, एडवांस्ड क्रूज मिसाइल र नयाँ पुस्ताका हवाई हमलाहरुलाई रोक्नकालागि गैर काइनेटिक क्षमताहरुको विकास र तैनाथी ।
यस्तै कार्यकारी आदेशका अनुसार अमेरिकाले आफ्ना साझेदारहरु र सहयोगीहरुका साथमा मिसाइल डिफेंसमा सहयोग जारी राख्ने छ । कार्यकारी आदेशमा हस्ताक्षरभन्दा पहिला ट्रंपले फ्लोरिडामा रिपब्लिकन पार्टीको एक कार्यक्रममा भनेका थिए कि उनी एक इजरायलको जस्तै मिसाइल रक्षा प्रणाली चाहान्छन्, जसले अमेरिकाको रक्षा गर्न सकोस ।
यसबारे आफ्ना कमेन्ट जाहेर गर्नुहोला । ताजा खबरका लागि नेपाल टाइम्स्को अनलाइन पोर्टल डब्लु डब्लु डब्लु डट नेपाल टाइम्स् डट नेटमा गएर हेर्न सक्नु हुनेछ । यसैगरि हाम्रो युट्युव च्यानल र फेसबुक पेज पनि अवस्य भिजिट गर्नुहोला । तपाईले गर्नु भएको लाइक, कमेन्ट, सेयर र सब्क्राइबका लागि धेरै धन्यवाद । नेपाल टाइम्स् हेर्दै गर्नुहोला नमस्कार ।
