१९ चैत, एजेन्सी।
मलेसियामा ग्यास पाइलाइनमा भयानक दुर्घटना भएको छ । क्वालालम्पुर बाहिर एक उपनगरमा भीषण आगलागी भएको हो । आगलागीको कारण ग्यास पाइपलाइन विस्फोट बताइएको छ । यसपछि मानिसहरू आत्तिएर यताउता भाग्न थाले ।
आगोका कारण वरपरका क्षेत्रका घरहरू खाली गरिएको छ। यो खबर लिएर अहिले हामी नेपाल टाइम्स अनलाइन समाचारमा उपस्थित भएका छौं । मलेसियाको राजधानी क्वालालम्पुर नजिकै रहेको सेलंगोर राज्यमा ग्यास पाइपलाइन विस्फोट हुँदा भयानक दुर्घटना भएको छ।
रिपोर्टअनुसार, पुत्रा हाइट्समा मंगलबार एउटा ग्यास पाइपलाइनमा आगलागी भएपछि भीषण विस्फोट भएको छ । घटनाछि अधिकारीहरूले आसपासका आवासीय क्षेत्र खाली गर्न आदेश दिएका छन्।
मलेसियाली मिडिया रिपोर्टहरूका अनुसार, सेलंगोर राज्यको बीचमा रहेको पुत्रा हाइट्समा रहेको एउटा ग्यास स्टेशन नजिक आगलागी भएको थियो । आगोको मुस्लो धेरै किलोमिटर टाढाबाटै देख्न सकिने बताइएको छ।
आगलागी नियन्त्रण गर्न अग्निनियन्त्रक टोली खटाइएको छ भने मेडिकल टोली पनि घटनास्थलतर्फ पठाइएको छ। स्थानीय अधिकारीहरूको भनाइ उद्धृत गर्दै मलेसियाली मिडियाले उक्त विस्फोटमा १२ जना गम्भीर घाइते भएको र ८२ जनालाई उद्दार गरिएको जनाएको छ।
मलेसियामा नेपालीसहित विभिन्न देशका आप्रवासीहरु समेत कामदारका रुपमा पुगेकाले यो घटनामा घाईते भएकाहरुको पहिचान अहिलेसम्म खुलेको छैन् । यस विस्फोटको एक भिडियो सामाजिक सञ्जालमा भाइरल भएको छ, जसमा आगोको ठूलो मुस्लो आकाशतर्फ उडिरहेको देख्न सकिन्छ।
द स्टार पत्रिकाले अग्निनियन्त्रण विभागका निर्देशक वान मोहम्मद रजाली वान इस्माइललाई उद्धृत गर्दै लेखेको छ कि दर्जनौं अग्निनियन्त्रक कर्मचारीलाई तुरुन्तै उद्दार कार्यका लागि घटनास्थल पठाइएको छ।
टोलीले आगलागीको कारण फुटेको पाइपलाइन रहेको निष्कर्ष निकालेको छ।रिपोर्टअनुसार, विस्फोट मलेसियाली समयअनुसार बिहान ८ः१० बजे भएको हो। आगलागी र विस्फोटको कारण पेट्रोनास ग्यास पाइपलाइनको लिक हुनु रहेको बताइएको छ। पाइपलाइनको करिब ५०० मिटर भाग आगोको चपेटामा परेको छ।
