२८ भदौ ,काठमाण्डौ ।
भारतका प्रधानमन्त्री नरेन्द्र मोदीले अन्तरिम सरकारको नेतृत्व सम्हालेकी सुशीला कार्कीलाई बधाई र शुभकामना दिएका छन्।
सामाजिक सञ्जालमार्फत मोदीले नेपाल–भारतबीचको ऐतिहासिक मित्रता, साझेदारी र आपसी विश्वासलाई स्मरण गर्दै दुबै मुलुकको शान्ति, प्रगति र समृद्धिका लागि निरन्तर सहकार्य गर्ने प्रतिवद्धता जनाए।
मोदीले कार्कीको प्रधानमन्त्री पदभारलाई नेपालमा स्थायित्व र लोकतान्त्रिक यात्राको महत्त्वपूर्ण कदमका रूपमा लिएका छन्।
भारतले नेपालका जनताले गरेका बलिदानी र परिवर्तनप्रतिको आकांक्षाप्रति सम्मान जनाउँदै आफ्नो समर्थन निरन्तर रहने उल्लेख गरेको छ।
कार्कीको नियुक्तिलाई नेपाल–भारत सम्बन्धमा नयाँ राजनीतिक अध्यायको सुरुवातका रूपमा हेरिएको छ।
दुई देशबीचको पुरानो सांस्कृतिक, आर्थिक र भौगोलिक निकटता अब राजनीतिक सहकार्य र विश्वासमार्फत अझ प्रगाढ बन्ने अपेक्षा गरिएको छ।
