१० असोज , काठमाण्डौ ।
आगामी अक्टोबर २६ मा भारतको सिक्किममा हुने मैत्रीपूर्ण महिला फुटबल खेलका लागि नेपालको प्रारम्भिक टोली घोषणा भएको छ ।
नवनियुक्त प्रशिक्षक नवीन न्यौपानेले भातरविरूद्धको मैत्रीपूर्ण खेलका लागि प्रारम्भिक टोली घोषणा गरेका हुन् । उनी हिजोमात्रै नेपाली राष्ट्रिय महिला फुटबल टोलीको प्रशिक्षक नियुक्त भएका हुन् ।
आगामी अक्टोबर २६ मा भारतको सिक्किमा हुने खेलका लागि न्यौपानेले पहिलो चरणमा ३५ जना खेलाडीलाई बन्द प्रशिक्षणमा बोलाएका छन् ।
टोलीमा अधिकांस अनुभवी खेलाडीले स्थान बनाउदा हिराकुमारी भुजेल र दीपा शाहीलाई पुनरागमन गर्ने मौका हुनेछ ।
यस्तै सुशीला चौधरी, लिला जोशी, नेहा चौधरी, सेनु परियार, सुक्रिया मिया, पूर्णिमा राई, मिना देउवा र जेनिफर मगर जस्ता युवा खेलाडीलाई पनि मौका दिइएको छ ।
यीबाहेक टोलीमा अञ्जिला तुम्बापो सुब्बा, अञ्जना राना मगर, उषा नाथ, निशा थोकर, समीक्षा घिमिरे, मनमाया दमाई, प्रतीक्षा चौधरी, बिमला बिक, पूजा राना, अमृता जैशी, सजनी थोकर, बिमला चौधरी, अनिता बस्नेत, रेनुका नगरकोटी, प्रीति राई, सरु लिम्बु, सविता राना मगर, सरस्वती हमाल, चन्द्रा भण्डारी, अनिता केसी, हिमा राउत, तुलसा बोहोरा, रश्मी कुमारी घिसिङ, रेखा पौडेल, सावित्रा भण्डारी रहेका छन ।
