२२ पुष , काठमाण्डौ ।
साउदी अरबको नेतृत्वमा पश्चिम एसियामा एउटा बलियो संगठन बन्न लागेको दाबी गरिएको छ । बेलायतमा रहेका पाकिस्तानी सेनाका पूर्व मेजर आदिल राजाले कयौं ठूला दाबी गर्दै यसबारे खुलासा गरेका छन् । उनले साउदी अरब सिंगो पश्चिम एशियामा एउटा ठूलो र बलियो गठबंधन बनिरहेको बताएका छन् ।
यद्यपि यो मामिलामा साउदीकाअघि संयुक्त अरब इमिरेट्स (यूएई) प्रमुख चुनौती रहेको छ । यूएईले इजरायलबाट सहयोग पाइरहेको छ । उता पाकिस्तान र इजिप्टजस्ता देशहरुले भने कुनै पनि एउटा पक्षमा लाग्ने निर्णय गर्न सकिरहेका छैनन ।
यस्तोमा उनीहरुले साउदी अरबको दबाव भने सामना गरिरहेका छन् । राजाले एक गोप्य रिपोर्टको आधारमा यो दाबी गरेका हुन् । उनको भनाइ छ कि पाकिस्तानी आर्मीका सीडीएफ असीम मुनीर सबैभन्दा नराम्रोगरी फसेका छन् ।
आदिल राजाले सोमवार एउटा भिडियो जारी गर्दै आफ्नो हात लागेको एउटा गोप्य रिपोर्टलाई उदृत गर्दै भनेका छन् कि साउदी अरबका क्राउन प्रिंस मोहम्मद बिन सलमानले पर्दा पछाडिबाट यूएईविरुद्ध कडा मोर्चा खोलिरहेका छन् ।
पर्दा पछाडि मात्रै होइन बरु यो अब खुलारुपमा नै देखिन थालेको छ । साउदीले हालै गाजामा सिधैं सहयोग पठाउने निर्णय गरेको छ । जबकी अहिलेसम्म यूएईले नै गाजामा सहयोग पठाउँदै आएको थियो ।
साउदी अरबको गाजामा सहयोग पठाउने निर्णयले यूएईसंगको उसको तनाव बढीरहेको देखाउँछ । यो क्षेत्रमा स्वयंलाई बलियो बनाउन र यूएईलाई साइडलाइन गर्नका लागि साउदी अरबले तुर्की र कतारसंग गठबंधन गरेको छ ।
यो गठजोडमा अन्य कयौं देशहरुलाई पनि जोडिदै छ । योे गठबंधन सोमालिया, सूडान, लिबिया र सूडानमा सरकार विरोधी गुटहरुलाई कमजोर पार्न लागि परेको छ, जसलाई यूएईले सहयोग गर्दै आएको छ ।
साउदी अरबको गठबंधन र यूएईसंगको उसको लडाइँले खासगरी इजिप्ट र पाकिस्तानलाई मुश्किलमा पारिदिएको छ । यी दुवैले आफ्नो पक्ष खुलाउन सकेका छैनन । यस्तोमा साउदीका तर्फबाट दुवैलाई आफ्नो स्थिति स्पष्ट पार्न दबाब परिरहेको छ ।
पाकिस्तानी सेना प्रमुख असीम मुनीर र इजिप्टका नेता फतह अल सीसीमाथि साउदीले दबाव दिइरहेको छ । यतिबेला साउदीले यूएईका साथ इजरायलका अलावा यदी कोही उभिएको छ भने त्यो इजिप्ट र पाकिस्तान नै उभिएको देखिरहेको पनि आदिल राजाले दाबी गरेका छन् ।
पाकिस्तानसंग त साउदीले हालै एउटा महत्वपूर्ण रक्षा सम्झौता पनि गरिसकेको अवस्था छ । यस्तोमा इजिप्टको भन्दा बढी दबाब पाकिस्तानले झेलिरहेको छ । साउदी अरबले यूएईविरुद्ध एउटा एक्टिभ क्याम्पेन पनि चलाइरहेको छ ।
यो क्याम्पेनले इजरायललाई गाजा युद्धको समयमा यूएईले अर्बौ डलरको हतियार पठाएको पनि दाबी गरिरहेको छ । अरब विश्वमा यूएई र इजरायलको सम्बन्धलाई लिएर कयौं कुराहरु चर्चामा रहेका छन् । यी कुराहरु साउदीकै तर्फबाट बाहिर आइरहेका छन् ।
यसैबीच उता चीन र पाकिस्तानले सोमवार दक्षिण एशियामा कुनै पनि प्रकारको एकातर्फी कारबाहीप्रति आफ्नो विरोधलाई पुनः दोहोर्याएका छन् । दुवै घनिष्ठ सहयोगीले बंगलादेशका साथ त्रिपक्षीय सहयोग र कश्मीरको सन्दर्भमा पनि आफ्नो रणनीतिक वार्ताको समापनमा यो कुरा गरेका हुन् ।
चिनियाँ विदेश मंत्री वांग यी र पाकिस्तानका उप प्रधानमंत्री इसाक डारका बीच आयोजित सातौं रणनीतिक वार्ताको समापनमा सोमवार जारी संयुक्त बयानमा भनिएको छ कि बेजिंगले अफगानिस्तानबाट आतंकवादी संगठनहरुलाई नष्ट गर्न गर्ने इस्लामाबादको मागको समर्थन गरेको छ ।
काबुलले भने आफ्नो देशमा आतंकवादी संगठनहरुको उपस्तििलाई अस्वीकार गर्दै आएको छ । पाकिस्तान र चीनका समकक्षीबीच भएको वार्तामा शेख हसीना सरकारको पतनपछि गठित चीन–बंगलादेश–पाकिस्तान त्रिपक्षीय सहयोग सम्यन्त्रको लाभ उठाउँदै नयाँ परिणामका लागि ‘तत्परता’ को पनि कुरा गरिएको छ ।
चीन र पाकिस्तानले संयुक्त बयानमा “दुवै पक्षले संयुक्त राष्ट्र चार्टर, अंतर्राष्ट्रिय कानून र अंतर्राष्ट्रिय सम्बन्धहरुलाई नियन्त्रण गर्ने आधारभूत मापदण्डहरुमा आधारित दक्षिण एशियाली क्षेत्रीय व्यवस्थाको महत्वमा बल पुगेको भनेका छन् ।
उनीहरुले कुनै पनि एकातर्फी कारबाहीको विरोध दोहोर्याउँदै दक्षिण एशियामा शांति र स्थिरता कायम राख्ने र संवाद एवं परामर्शका माध्यमले सबै विवादहरुको हल गर्न आवस्यकता रहेकोमा जोड दिएका छन् ।
संयुक्त बयानका अनुसार, “पाकिस्तानी पक्षले जम्मू–कश्मीरको स्थितिमा पनि आफ्नो अडान र नवीनतम घटनाक्रमहरुका बारेमा चिनियाँ पक्षलाई जानकारी पनि दिएको छ ।
चीनले एक पटक फेरि दोहोर्याएको छ कि जम्मू–कश्मीरको मुद्दा ‘इतिहासको देन हो र यसलाई संयुक्त राष्ट्र चार्टर, सम्बन्धित संयुक्त राष्ट्र सुरक्षा परिषदका प्रस्तावहरु र द्विपक्षीय सम्झौताहरुका अनुसार उचित र शांतिपूर्ण तरिकाले समाधान गरिनुपर्छ ।
बयानमा भनिएको छ, “दुवै पक्षले समानता र पारस्परिक लाभका सिद्धांतअन्तर्गत सीमा पार जल संसाधन सहयोग र अंतर्राष्ट्रिय कानूनी दायित्वहरुलाई पूरा गर्ने अनिवार्यतामा जोड दिए” ।