नेपालद्वारा थाइल्यान्ड १ सय ४० रनले पराजित

२१ असोज २०७५, आइतबार
Share this
783shares

एजेन्सी,असोज २१

Advertisement

आईसिसी टी २० विश्वकप क्रिकेटको एसियाली छनोटअन्तर्गत उप क्षेत्रीय प्रतियोगिताको आफ्नो तेस्रो खेलमा नेपालले थाइल्यान्डलाई डकवर्थ लुइस नियम आधारमा एक सय ४० रनले हराएको छ ।

एक सय ७३ रनको लक्ष्य पछ्याएको थाइल्यान्डले ८ ओभर पाँच बलमा ९ विकेट गुमाएर १८ रन जोडेपछि खेल वर्षाले प्रभावित भएको थियो । त्यसपछि खेल सुचारु हुन सकेन। टीट्वेन्टी स्वरुपको अन्तर्राष्ट्रिय क्रिकेटमा नेपालको यो सम्भवत सबैभन्दा फराकिलो (रन अन्तरले) जित हो ।

Advertisement

थाइल्यान्डविरुद्ध नेपालका सन्दीप लामिछाने एक्लैले पाँच विकेट लिए। करण केसीले तीन र ललित भन्डारीले एक विकेट हात पारे । थाइल्यान्ड पहिलो ओभरदेखि नै दबाबमा आएको थियो।

थाइल्यान्डले एक रनमै दुई विकेट गुमाएको थियो। यसअघि टस हारेपछि ब्याटिङको निम्ता पाएको नेपालले निर्धारित २० ओभरमा ७ विकेट गुमाएर एक सय ७२ रन जोड्यो । नेपालको पालीमा दीपेन्द्रसिंह ऐरीले ३०,शरद भेषावकरले ३४ र करण केसीले अविजित ४० रन बनाए। ओपनरद्धय विनोद भन्डारी १५ र अनिल शाहले २५ रन बनाए ।

अलराउन्ड प्रदर्शन गरेका करण प्लेयर अफ दी म्याच भए । नेपालले यसअघिका दुवै खेल जितेको थियो । पहिलो खेलमा म्यानमारलाई ८ विकेटले हराएको नेपाल दोस्रोमा मलेसियाविरुद्ध ८ विकेटले विजयी भएको थियो। नेपाल तीन खेलबाट ६ अंक जोडेर शीर्ष स्थानमा उक्लिएको छ। दोस्रो स्थानमा रहेको सिंगापुरले पनि तीन खेलबाट ६ अंक जोडेको छ।

Advertisement
Advertisement
Advertisement

ताजा समाचार

सम्बन्धित समाचार

Scroll to Top