२३ असोज , काठमाण्डौ ।
देशमा पश्चिमी न्यून चापीय प्रणाली र मनसुनी वायुको प्रभाव रहेकाले आज देशका विभिन्न स्थानमा वर्षा हुने सम्भावना रहेको मौसम पूर्वानुमान महाशाखाको भनाइ ।
महाशाखाका अनुसार बागमती, गण्डकी र लुम्बिनी प्रदेशका एक–दुई स्थानमा चट्याङसहित मध्यम वर्षा जारी ।
आज दिउँसो मधेस प्रदेश तथा कोशी र सुदूरपश्चिम प्रदेशको तराईमा पनि साधारणतया बादल लाग्नेछ भने अन्य तराई क्षेत्रमा आंशिक बदली रहने अनुमान ।
हिमाली र पहाडी भूभागका केही स्थानमा चट्याङ, हावाहुरी र असिनासहित मध्यम वर्षा तथा हिमपातको सम्भावना ।
मधेस, कोशी र सुदूरपश्चिम प्रदेशका तराईका केही स्थान तथा बागमती, गण्डकी र लुम्बिनी प्रदेशका तराईका थोरै स्थानमा पनि चट्याङसहित वर्षा हुन सक्ने ।
कोशी, बागमती र सुदूरपश्चिम प्रदेशका पहाडी भूभाग तथा कोशी प्रदेशको तराईका एक–दुई स्थानमा भारी वर्षाको सम्भावना रहेको महाशाखाको भनाइ ।
आज राति पनि कोशी प्रदेशका हिमाली, पहाडी र तराई क्षेत्रका केही स्थानमा तथा अन्य प्रदेशका हिमाली र पहाडी भूभागका विभिन्न स्थानमा चट्याङसहित मध्यम वर्षा र हिमपात हुन सक्ने ।
कोशी प्रदेशका पहाडी तथा तराईका एक–दुई स्थानमा राति पनि भारी वर्षाको सम्भावना
