२८ असोज , काठमाण्डौ ।
महाकालीमा बेपत्ता भएका सशस्त्र प्रहरी बलका असई ५ दिनपछि मृत भेटिए ।
कञ्चनपुरमा कार्यरत २६ वर्षीय सागरराज थारू बुधबार बिहान मृत भेटिएको जिल्ला प्रहरी कार्यालय कञ्चनपुरका प्रवक्ता डिएसपी टेकबहादुर रावतले दिए जानकारी ।
बाढीले क्षति पु¥याएको टेलिकमको तार तान्ने क्रममा उनी शनिबार महाकालीमा खसेर बेपत्ता भएका थिए ।
५ दिनपछि झोलुंगे पुलको क्षतिग्रस्त तार जालीमा अड्किएको अवस्थामा शव फेला परेको डिएसपी रावतको भनाइ ।
तार तान्ने क्रममा सन्तुलन खलबलिएर महाकालीमा खसेर बेपत्ता भएयता सशस्त्र प्रहरीको गोताखोरसहित उनको खोजी हुँदै आएको थियो ।
बर्दियाको ठाकुरबाबा नगरपालिका–६, घर भएका थारू देवस्थान गुल्म दोधारा चाँदनीमा कार्यरत थिए ।
उनी घटनाको अघिल्लो दिन मात्रै काज सरूवा भई त्यहाँ खटिएका थिए ।
