विराटनगर, मंसिर ६
मोरङको धनपालथान गाँउपालिकालाई बुधबार खुल्ला दिसामुक्त गाउँपालिका घोषणा गरिएको छ । धनपालथान गाँउपालिका, सरसफाई तथा स्वच्छता समन्वय समितिको आयोजनामा धनपालथान गाउपालिकालाई खुल्ला दिसामुक्त घोषणा गरिएको हो ।
७ हजार ९ सय १८ घरधुरी रहेको गाँउपालिकामा सबै घरमा शौचालय निर्माण गरी खुल्ला दिशामुक्त घोषणा गरिएको धनपालथान गाँउपालिकाका कार्यकारी प्रमुख बाबुराम लुईटेलले जानकारी दिए ।
धनपालथान गाँउपालिकामा अध्यक्ष हरिलाल सिंहले खुल्ला दिसामुक्त घोषणा गरेर मात्र नभई सबैले यसलाई निरन्तरता दिई सरसफाइमा जोड दिन आग्रह गरे ।
यस्तै कार्यक्रममा बोल्दै प्रदेश सांसद ज्ञानेन्द्र राजवंशी, जिल्ला समन्वय समितिका संयोजक नरेश पोखरेलले सबैलाई शौचालयमा दिसापिसाब गर्ने बानी बसाली सरसफाइमा ध्यान दिन आग्रह गरे ।
खुल्ला दिसामुक्त घोषणा हुने तर कार्यान्वयनमा समस्या रहेकाले सबैले आआफ्नै क्षेत्रबाट लागेर कार्यक्रमलाई सफल बनाउन आग्रह गरे ।
नेपाल सरकारले २०६८ सालमा राष्ट्रिय सरसफाई गुरुयोजना तयार गरी कार्यान्वयनमा ल्याई २०१७ मा नेपाललाई खुल्ला दिसामुक्त राष्ट्रका रुपमा घोषणा गर्ने भनिए पनि त्यसो भने हुन् सकेको छैन् ।
