काठमाडौँ,मंसिर २०
निर्मलाका निम्ति न्याय माग गर्दै राष्ट्रपति कार्यालय अगाडि प्रदर्शन गरिरहेका अभियान्ताहरूलाई प्रहरीले पक्राउ गरेको छ । प्रहरीले १२ जनालाई पक्राउ गरी महाराजगञ्ज वृत्तमा लगेको हो ।
४ महिना पुग्दा पनि निर्मला पन्तको बलात्कारपछि हत्या घटनामा को संलग्न थिए भन्ने पत्ता लगाउन प्रहरीले सकेको छैन। साउन १० गते आफ्नी साथी रोशनी बमको घरमा होमवर्क गर्न भन्दै गएकी निर्मला घर फर्केकी थिइनन्।
भोलिपल्ट आफ्नो घरबाट आधा घण्टाको दूरीमा उनी मृत फेला परिन्। पोष्टमार्टम रिपोर्टमा उनको बलात्कारपछि हत्या भएको खुलेको थियो।
