विराटनगर : कृषकको जीवनस्तर उकास्ने परियोजनाका लागि कर्मचारी नियुक्ति गरेर रोजगारदाता सम्पर्कविहीन भएका छन् ।
मोरङ जिल्लामा परियोजनाका लागि नियुक्त गरेर रोजगारदाता कर्णाली एग्रिकल्चर डेभलप्मेन्ट नेपालका सञ्चालकहरु, सम्पर्कविहीन भएपछि १४ जना कर्मचारीहरु सम्पर्क कार्यालयमा पुगेका हुन् ।
कर्मचारी नियुक्त गरी तीन महिनासम्म तलब भुक्तानी नगरी रोजगारदाता सम्पर्कविहीन भएपछि तलबको माग गर्दै १४ जना कर्मचारीले श्रम तथा रोजगार कार्यालय विराटनगरमा उजुरी दिएका छन् ।
परियोजनाले एफएममा विज्ञापन गरी एकैपटक १४ जना कर्मचारी ‘सोसियल अपरेटर’का रुपमा नियुक्ति दिएको थियो । तीन महिनापछि १७ हजार दिने शर्तमा सुरुमा ११ हजार ५ सय रुपैँया मासिक तलब पाउने गरी नियुक्ति गरिएको कर्मचारीले बताए ।, यो समाचार आजको उद्घोष दैनिकमा छापिएको छ ।
