झापा, पुस १३
झापाको मेचीनगर नगरपालिका–६ गोसलाईनमा भएको आगलागीमा परी २२ घर जलेर नष्ट भएका छन् ।
बिहिवार बेलुका साढे ८ बजेको समयमा स्थानीय छबिलाल आङ्दम्बेको घरमा खाना पकाउने क्रममा अचानक आगलागी हुँदा सो वस्तीमा रहेका २२ घर जलेर नष्ट भएका हुन् ।
उक्त आगलागी ईलाका प्रहरी कार्यालय काँकडभिट्टाबाट खटिएको प्रहरी टोली, शशस्त्र प्रहरी, नेपाली सेना , मेचीनगर , भद्रपुर, बिर्तामोड र दमक नगरपालिकाका दमकल तथा स्थानीयवासीको सहयोगमा राती ९ बजेर ४५मिनेटमा पूर्ण रुपमा नियन्त्रणमा आएको थियो ।
आगलागीबाट के कती क्षति भयो भन्ने सम्बन्धमा बुझ्ने कार्य जारी रहेको छ भने आगलागीबाट कुनै पनी मानवीय तथा चौपाया क्षति नभएको उक्त कार्यालयले जनाएको छ ।
