विराटनगर : इलाका प्रहरी कार्यालय रानी विराटनगरका प्रहरी निरीक्षक सन्तोष निरौलासहित पाँच जना प्रहरी विभागीय कारबाहीमा परेका छन् ।
हत्या आरोपमा हिरासतमा रहेका दुई थुनुवा फरार भएपछि छानविन गर्न गठन भएको टोलीले प्रतिवेदन अनुसार पाँच जना प्रहरीलाई विभागीय कारबाही गरिएको हो भने तीन जनालाई मुद्दा दायर गरिएको हो ।
हिरासत कक्षमा भएको भेण्टिलेसनबाट थुनुवा फरार भएपछि तत्कालिन समयमा ड्युटीमा रहेका तीन जनालाई निलम्बन गरी कारागार ऐन अन्तर्गत मुद्दा दायर गरिएको हो ।
गत असोज १ गते विराटनगर १७ का १७ वर्षीय मोहम्मद अस्फाकको अपहरणपछि हत्या गरेको आरोपमा पक्राउ परेका मोहम्मद साद्दिम हुसेन र महम्मद आरिफ आलम कात्तिक ९ गते बिहान रानी इलाका प्रहरी कार्यालय रानीको थुनुवा कक्षको भेन्टिलेसनको ६ वटा रड काटेर भागेका थिए । उनीहरु अझै भेटिएका छैनन् ।,यो समाचार आजको उद्घोष दैनिकमा छापिएको छ ।
